[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Lain gid ya ang ‘Laging Handa’’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Thursday, June 15, 2017
[/av_textblock]
[av_textblock size=” font_color=” color=”]
TUNGOD sa padayun nga inaway sa pila ka bahin sang Mindanao, labi na gid sa Marawi City, amat-amat man gatubu ang kahangawa sang iban sa kon ano ang posible nga epekto sini diri sa aton sa Visayas.
Ang ulihi nga balita nagasiling nga madasig na ginapapas sang pwersa sang gobyerno ang mga rebeldeng Maute nga nag-atake sa Marawi City sadtong Mayo 23, sa diin sige gihapon ang ila pagpakig-away sa mga soldado kag mga pulis sang gobyerno.
In fact, sa ining padayun nga inaway mga 60 na ka soldado kag pulis ang nagkalamatay kag sobra 200 naman ang napukan sa bahin sang mga rebelde, nga sa gihapon wala mag-surender samtang ginsiling nga nagapanagu na sa mga mosque (simbahan sang mga Muslim) agud malikawan ang pang-bomba sang Philippine Air Force.
Madamo man sang mga sibilyan, laban Muslim nga taga-Marawi, ang nagpalagyo na kag nagsalaylo sa iban nga lugar sa Mindanao. Ang iban gani ginbalita nga nagpatupling na sa ila mga paryente sa Negros kag sa Iloilo sakay sa barko kag iban pa nga salakyan.
Ining pagsaylo sang mga sibilyan nga Muslim sa Visayas naghatag sang kakulba sa madamo sa pagpati nga nakaupod sa ila ang pila ka rebeldeng Maute.
Tungod sini, bisan ang mga konsehal sang siyudad sang Iloilo nalangkag na. Pila sa ila daw ga-panic pa gani sa sobra nga panumdum sa posibilidad nga ang ining mga rebeldeng Maute nakapatupling na diri sa aton sa Visayas kag basi dalhon pa nila diri ang ila malaut nga mga buhat terorismo.
Amo gani nga nagpatunga na si Vice Mayor Jose Espinosa III sadtong sesyon nila sang Martes, Hunyo 13, agud sawayon ang mga konsehal samtang gabinais sila parti sa ginproponer nga resolusyon ni Konsehal Joshua Alim.
Ang resolusyon ni Alim nagapanawagan sa kay Iloilo City police director Senior Supt. Remus Canieso nga maghatag sang briefing parti sa mga security measures nga ginapatigayon na sang mga pulis diri para sa seguridad sang mga pumuluyo.
Siling ni Vice nga ang sobra nga paghatag importansya sa posibilidad sang pag-spillover sang mga rebeldeng Maute diri sa siyudad nagahatag lang “undue panic” ukon talagsahon nga kakulba sa aton mga pumuluyo.
Sa ginpahayag man gani ni Canieso, gina-inspeksyon na gani sang mga pulis kag coastguard ang mga barko nga nagadungka sa mga pantalan sang siyudad kag sa tanan nga coastal areas sang Iloilo.
Ang aton ya masiling sa sining kolum amo nga wala kita dapat i-panic, ukon pagbatyag sang sobra-sobra nga kakulba.
Nahibal-an na naton ang kaya himuon sang mga terorista nga lapnagon ang kalautan sa bug-os nga kalibutan. Ang ila ginahimo bomba diri kag bomba didto, kag kon ano pa nga kalakasan agud matalupangdan ang ila kawsa nga indi maka-Diyosnon.
Ngaa man indi maka-Diyosnon? Man wala sila pili halitan – bata man, tigulang, sibilyan ukon hangaway (combatants), kag bisan sin-o lang, may sala man ukon inosente pa sa mga anghel.
Nahibal-an ta man nga wala sila pili sang lugar nga halitan. In order words, bisan diin man kita – sa Marawi man ukon sa diin pa nga parti sang Pilipinas ukon kalibutan – dapat lang nga mangamlig kita pirme.
Tanan kita may risgo. Ugaling, ang risgo naton amo ang ginatawag nga “calculated risk.” Meaning, may pirme nga pagpangamlig.
In other words, sunu gani sa pagsulundan sang mga Boy Scouts, lain gid ya ang “Laging Handa” – sa aton nagaka-angay nga pagpangamlig (safety), sa aton tagipusuon, kag panghuna-huna upod sa Ginoo.
Pero, ano nga klase sang pagpangamlig? Nga indi na kita kalagaw, nga indi na kita maka-enjoy, nga indi na kita makahimo sang aton mga hilikuton, etc.?
Indi man… Indi man kinahanglan nga magpakulba kita ukon magkalangkag (worry) nga wala sa lugar. Sumulunod kita ni Kristo kag ginatugyan naton sa Diyos ang aton kapalaran. Gani, “just act like everything is alright and trust in God.”
In fact, kon gustuhon na sang Ginoo, malab-ut ka man gihapon sang imo kapalaran bisan diin ka pa managu nga buho. Kon indi pa, ti indi pa man. Dayawon ang Diyos!/PB
[/av_textblock]
[/av_one_full]
