[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Pasahero ginhold-ap sang taxi drayber ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nagreklamo sa Molo PNP ang babaye nga pasahero nga ginhold-ap sia sang drayber sang ginsakyan niya nga taxi sa Juntado Subdivision, Brgy. Calumpang, Molo diri sang Huwebes sang gab-i.
Sunu sa pahayag sa Molo PNP sang tagreklamo nga si Jennycar Mendoza, 24, residente sang Zone 10, Brgy. Calaparan, Arevalo kag naga-obra bilang general supervisor sang isa ka batchoyan, nagsakay sia sa taxi nga ginamaneho ni Bobby Rufino, 36, sang Brgy. Malusgod, Pototan, Iloilo sa Atria para magpadul-ong sa ila balay sa distrito sang Arevalo.
Samtang nagabiyahe na, sunu kay Mendoza, naglingin ang iya ulo matapos nga gina-alegar niya nga nang-spray ang drayber sang perfume.
Dugang pa niya nga nagdeklarar sang hold-ap ang suspek kadungan sang pagtaya sang patalom sa iya rason nga nakuha gid sini ang P120,000 niya nga cash nga gin-utang pa sang biktima sa tiyo nga pulis.
Matapos nakuha ang kwarta, ginbilin ang biktima sa madulom nga porsyon sang Brgy. Calumpang kag dayon naman sia nga nagreport sa Molo PNP.
Sa ginkasar naman nga follow-up operation sang kapulisan, nadakpan sa Brgy. Q. Abeto, Mandurriao ang suspek kag nakuha ang kutsilyo kag bag sang biktima pero wala na ang kwarta.
Sa interbyu sang Aksyon Radyo Iloilo sa suspek, hugot sini nga ginapanginwala ang akusasyon sang biktima.
“Wala gid ako hinimuan na ya. Ang matuod-tuod halin alas-dos (hapon) nga biyahe akon wala ako sang pasahero nga gindul-ong pakadto sa Calumpang. Wala gid ko sang ideya sa iya ginahimu sa akon. Nakibot lang ako nga may pasahero ko nga waiting sa atubang sang hospital sa Mandurriao, gindakop lang ako sang pulis,” hambal sang drayber.
Gin-aku man sini nga sia ang nagapanag-iya sang perfume kag patalom nga narekober sang mga pulis sa iya taxi sang gin-aresto pero ginpanindugan gid sini nga wala sia nanghold-ap.
Dugang pa sang suspek nga nagasakit ang iya buot nga ginpriso sia sang mga pulis bisan nagahulat ang iya pamilya nga magpauli sia sa ila balay dala ang kwarta para ibakal sang ila kalan-on./PB
[/av_textblock]
[/av_one_full]
