[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Pasahero’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY RUNJI R. JAMOLO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 22, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
“MANANG, naggamay ang jeep!”
Sa akon lang, “Ano nagkupos ang jeep?”
Nabatian ko ini nga pahayag sang babaye samtang nagabantay ako sang salakyan pakadto sa opisina ko sang nagligad nga Lunes.
Kaput niya sa isa ka kamot ang grade schooler s nga seguro inugdul-ong niya sa eskuelahan. Pasado na las siete sang aga, wala pa sila makahalin sa balantayan sang salakyan.
Ginapaathag niya sa iya ama nga nabudlayan sila sang iya “alaga” nga makasakay sa de pasahero nga salakyan kag daw sa padag-asanay na lang ang pagsakay, pananglit may magadulog sa unloading area. Sa tion nga may manaog nga pasahero, mabulos naman saka ang iban.
Pero madugay na ang amon paghulat sa unloading/loading area. Sobra na sang treinta minutos seguro nga mas nauna sila sang sa akon.
Sang nakakita sang kahigayunan, nag-una na ako…nagpanagil-ut, kay isa man lang ang bakantehan.
Wala nagkupos ang jeep. Malaka-laka lang ang depasahero nga jeep nga nagbyahe sadto nga takna. Ang ilisipon nga nagbyahe, lunsay man puno sa pasahero.
Hala, lagsanay man imo sang salakyan nga daw sa indi mo mahangpan. Daw halus treinta minutos na wala gihapon sang may masakyan.
Ah, sa isip ko…bisan ano na lang nga routa basta makasakay. Makahingabot lang sa tama nga oras. Gani gikan sa Tabuk Suba area sa Jaro nga pila ka minuto nga hulat, nakasakay gid man ako sa Barotac PUJ tubtub lang sa E. Lopez. Madugay naman nga tinakna ang ako ginhulat tubtub nakasay sa Leganes La Paz nga rota. Sa plaza sang La Paz, nagpanaog ako kag magsaylo sa jeep nga byahe La Paz.
Dako nga hangkat ang makasakay sa jeep tagsa ka adlaw.
Kasubong man nga hangkat ang maatubang sa pagpauli kon hapon.
Kulang ang kadamuon sang PUJ kon magpadulong sa buluthuan o sa ginatrabahuan kon aga. Kasubong man nga huol ang ma-experiencia kon magpauli na.
Pila lang ka minuto makaligad sang las sinco sa hapon, nagapanong dayon sa kilid dalan ang mga pasahero nga nagabantay sang masakyan. Mas doble nga huol ang mabatyagan kon mag-ulan. Daw kasubong bala nga luyag man sang mga tsuper nga magpauli sang mas temprano.
May napaypay ako nga PUJ nga indi puno, hambal sang driver nga may sugaton siya nga mga estudyante papauli na sa ila.
May isa man ka driver nga nagahingagaw magpauli para magluto pa (panihapon nila nga magpamilya). Samtang makatandog balatyagon nga may amay nga nagahingagaw pauli para magluto sa iya pamilya, may iban man nga handa na nga mag “siesta” sa higad dalan. Indi nga magarahe kundi makig-inuman anay sa mga kasubong nga driver.
Samtang kinamatarung man nila ang magpaliwaliwa o magpahunayhunay, indi dapat pagkalimtan sang mga tsuper nga serbisyo publiko ang sahi sang trabaho nila.
Ang iban sa ila daw sa naga-observe sang las otcho sa aga tubtub las sinco sa hapon nga pamasada. Daug pa nila ang mga de opisina nga 8 to 12; 1 to 5 bah!
Basi nalimtan lang sang iban sa ila nga public utility vehicle ang ginamaneho nila. Dapat unahon nila ang mga pasahero nga maalangan sa dalan.
May tsuper gani nga nangakig sa pasahero nga nagsakay sa Calle Real pakadto sa Fort San Pedro kay nag-isip sya nga natuntuhan siya sang pasahero. Nagsabat ang commuter nga “doble man ang ibayad ko” (sa paathag nga bayaran niya ang plete pakadto sa Fort San Pedro-Parola area kag ang pakadto naman balik sa CPU area).
Sobra pa gid sini kalala sang kahimtangan kon mag-ulan. Basang-basa na ang pasahero, wala gihapon sang may masakyan.
Kon bastante lang ang mga PUJs, indi na seguro magtukos sang “joy ride” ang mga pasahero. (Joy ride na ang nakaandan nga tawag sina circa ‘70s). Pero indi ina joy ride. Double ride. Nagakahulugan nga doble man ang itigana mo nga pamelete makapauli lang sang mas temprano (kon gab-i).
Pila gid bala ang kadamuon sang mga PUJ sa Iloilo City? Masarangan pa bala nila ang maghakut sang mga pasahero? Indi ayhan nga dapat na ilisan ang naandan na nga PUJ sa dalagko nga bus para mas madamo nga pasahero ang makara?
Naka-float na ang panugyan sang e-bus kag e-jeep, pati pa ang modernization plan.
Hasta san-o kita nga mga pasahero mangin “prey” sa sini nga sitwasyon?
Panahon na nga islan, bag-uhon ang mga salakyan kag dugangan ang kadamuon nila. Panahon naman nga magbugtaw ang mga tsuper nga serbisyuhan nila ang mga pasahero…indi nga unahon ang ila kaugalingon (nga nagapamahugpahug nga magwelga bilang solusyon sa ila nakita nga problema sa ila pagpamasada). (runjirjamolo@gmail.com/PN)
[/av_textblock]
[/av_one_full]
