[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ngaa may mga fanatics si Duterte?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
TILAWI lang nga kondihanon si President Duterte sa imo Facebook account ukon ano man nga social media kay sigurado gid nga may magakontra sa imo. Ang malain pa kay base ipa-block nila sa Facebook ang imo account.
Ngaa bala nga bisan ang malain lamang nga lihok ni PRRD ang ginapakamalaut sang iban kag ginareport sang media, akig sa gihapon ang mga sumalakdag ni Duterte sa nagahimo sini?
Ngaa bala nga bisan maathag nga supak sa kasuguan ang ginahimo sang President ginasakdag kag ginadayaw sya sa gihapon sang iya mga sumulunod?
Ini posible bunga sang kadulaan na sang paglaum sang mga Filipino sa problema nga malawig na nga ginaabaga sang tanan. Kaangay sang ilegal nga droga, krimen, korapsyon, kaimulon, kakulangan sang trabaho kag madamo pa nga iban. Sa tagsa ka henerasyon, balik-balik lang ini nga mga problema nga ila ginaatubang. Nagpangapo lang amo man gihapon ang problema nga ginaatubang sang tagsa ka Pilipino. Ini ang nagtulod sa mga Filipino nga maglaum sa pag-abut sang is aka superhero agud mahaw-as ang tanan sa problema nga ginakalumsan na.
Sang nag-abot ang adlaw nga nagdesisyon si Duterte nga magpadalagan sa pagkapresidente naghugyaw ang madamo. Dugangan pa nga gin-capitalize sang iya kampo ang tanan nga kahinaan sang nauna nga administrasyon.
Epektibo ang nangin stratehiya sang kampo ni Duterte. Matapos ang 2016 elections, ginboto sang 16 milyones ka Pilipino si Duterte nga magpungko sa Malacañang kag dumalahan ang pungsod. Ginkabig nila si Duterte nga amo ang ila manluluwas…manughaw-as sa lunang sang mga palaligban. Ini ang kabangdanan kun ngaa ginakabig sang mga Filipino nga ebanghelyo ang ginabungat ni Duterte. Ang pagpamuyayaw, pagpamahog, pagsuporta sa pagpatay kag iban pa ginabalewala sang mga Pilipino. Maathag nga nagapalanglapaw na ang frustration sang mga Fililipino.
Apang maluwas sa problema nga ginaatubang sang pungsod, may isa pa ka dako nga bagay ngaa nakuha ni Duterte ang kalalalaman sang nga Pilipino. Ini ang iya makimasa nga pamaagi sang pagpamulong-pulong. Matanda si Duterte maggamit sang mga tinaga nga kinaandan na sa kalye. Mga tinaga nga mahangpan sang tagsa ka Pilipino. Sa malip-ot nga pulong, may konek si Duterte sa tagsa ka Pilipino. Maluwas lang sa iya mga kritiko.
Ang aton papel subong bisan ano man ang imo estado sa sa sosyodad amo ang suportahan ang President sa maayo nga ginahimo kag bantayan naman ang mga malain. Pero labi nga balantayan ang mga tawo sa iya palibot nga posible maghingalit sa sitwasyon. Samtang nagasalig kita sa President, maghalong kita sa mga tawo sa palibot nga handa maghingalit sang kahumot sang ngalan sang President sa ila kaugalingon nga kabulosgan.
Magsuporta, magbantay ka! (Sa mga kumento, mag-email lang sa jfranco1975@yahoo.com/PN)
[/av_textblock]
[/av_one_full]
