[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Pasensyaha ako!’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
DALAYAWON ang gin himo ni President Rodrigo Duterte sa iya pag-ako sang kapaltahan sa paglawag sang ngalan sang mga tawo nga naulamid sa ilegal nga droga nga wala sang husto nga validation.
Dalayawon ini bangud sa pihak sang iya estado sa sosyodad, maisog sya nga nag-ako nga nagsala gali sya.
Kaangay man sini ang gin himo sang una ni anay Presidente kag karon Pampanga congresswoman Gloria Macapagal-Arroyo sang nabuyagyag ang “Hello Garci” nga kontronbersiya. Siling ni Arroyo, “I am sorry.” Gin bantala ini sa tanan nga mga broadcast media.
Ang pag-apologize ukon pagpangayo sang pasaylo tuman na bala agud mapanas ang halit nga gintuga sang sala nga akusasyon sa kredibilidad, pagkatawo kag katapo sang ila pamilya sang isa ka tawo?
Mahapos ang magpangayo sang pasaylo apang mabudlay magpali ang pilas nga gintuga sa imahen kag balatyagon sang mga tawo nga sala nga naakusahan.
Ang sala nga akusasyon nagasalaming sang kredibilidad sang naga akusar ukon sang gin kuhaan sang impormasyon sang naga akusar. Kun sala ang akusasyon, naga kahulugan ini nga kulang ang validation ukon base nadala lang sa sotsot kag duhol-duhol sang estorya.
Sa matuod lang dalayawon ang ginabutang nga balatyagon ni President Duterte sa kampanya kontra ilegal nga droga. Kag siguro bangud sang iya pagdali nga masolbar ang problema, nagakatabu nga kulang na ang pag-validate sang impormasyon kag ngalan.
Kabay pa nga indi na masulit ini nga hitabu. Indi unta pag-abusohan ang tinaga nga “Pasensyaha ako!”
Ano na lang ayhan kun ang iban nga una nga namitlangan sa ulihi magsiling man ang President, “I am sorry”? Paano na lang ang ila imahen? Paano na lang ang ila palaabuton kay subong pa lang naguba na ang pondasyon nga ila ginahanda para sa mas mabakod nga palaabuton?
Samtang sa kaso sang away nanday President Duterte kag Sen. Leila de Lima nga nahulog na sa mahigko nga atake sa personal nga kabuhi, kun matapos ini nga problema kag mapamatud-an nga pareho sila nagsala sa ila mga akusasyon, ok na lang bala ang paghambal nga “Pasensyaha ako”?
Sa away nga magabunga sang pagkaguba sang kabuhi sang isa ka tawo, dapat mangin mahinalungon man sa paghaboy sang akusasyon. Ang away nanday Duterte kag de Lima indi lang ila away. Ang ila away naga apekto sa pangkabilugan nga imahen sang pungsod.
Ang akusasyon ni de Lima kay Duterte indi lang atake sa President kun atake sa pungsod nga ginapamunuan niya. Samtang ang atake sang administrasyon kay de Lima atake man sa Senado bilang institusyon. Indi lang si de Lima ang namusingan ang imahen kundi pati man ang imahen sang Kongreso bilang direkta nga partisipante ukon “aggressor” sang Duterte administration.
Nabutang na sa questionable nga estado ang kredibilidad nanday Duterte kag de Lima. Si Duterte questionable ang imahen sa mga sumalakdag ni de lima samtang ang senadora, wasak naman ang imahen sa mga Dutertians.
Sa diin ka man nagatindog nga bahin sang argumento, dapat isa lang ang aton tuyo. Ini amo ang kaayuhan sang aton pungsod. Indi kita magdepensa sa panindugan bangud personal kita nga makapanginpulos. Magdepensa kita sa argumento nga makapabakod sang aton pungsod.
Sa tanan nga tinaga nga nagakawas sa aton baba, dapat may balasehan kag nabalay sa pamatuod ini agud indi ka magsiling sa ulihi sang “I am sorry.”
Pasensyaha ako kun nasakit ko ang inyo balatyagon, ako tawo lamang…Pasensya banwa!/PN
[/av_textblock]
[/av_one_full]
