PAUTWAS!

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]

[av_textblock size=” font_color=” color=”]

Malooy ka, Dok!

INI ANG masami mabati-an nga nagakawas sa baba sang mga pasyente ukon pamilya sang pasyente nga ara sa ital-ital nga sitwasyon ang ila kabuhi. Ini masami ang makita nga sitwasyon sa mga pampubliko nga pasilidad sa ikaayong lawas.
Nga-a bala sa masami kinahanglan naton nga magpakitlooy sa mga doktor agud hatagan kita sa attention?
Sa masami, ang rason sang mga staff sang hospital masako sila bangud madamo ang ila ginatatap nga pasyente. Kesyo kulang sila sa staff gani indi matatapan sang madasig ang mga naga-abot nga pasyente. Sa masami, sa baylo nga pahangpon ang pasyente ukon ila himata, gina akigan pa kag ginabuyayaw.
Indi na makasiling ang mga doktor sa gobyerno nga manubo ang ila sweldo, amo ina nga sakripisyo ang pagtrabaho sa pasilidad sang gobyerno.
Ay abaw, doktor, wala ka bala ginagapos sa kamot agud piliton nga magtrabaho sa ospital sang gobyerno. Imo ina bala boluntaryo nga balatyagon nga magtrabaho sa gobyerno. Bangud sini, indi ka makasiling nga sakripisyo sa imo bahin ang pagtrabaho dira. Bisan ano oras pwede ka man magbiya kag mag-private practice agud sa sina makapili ka sang imo atubangon nga pasyente.
Pero bisan pa sa pribado ka nga klinika, ang inyo Hippocratic oath nagasiling nga wala sang tawo nga nagakinahanglan sang pagtatap medikal ang talikdan. Sa matuod lang, ang bahin sang mga health workers sa PhilHealth tuman ka dako. Sobra pa sa espesyalista nga doktor ang ila ginaganar kada adlaw kun isipon gid.
Diri sa Pilipinas, kun doktor ang imo kontra, wala ka sang mahimo. Wala ka gid sang padaug sa ila bangud wala kita sang ihibalo sa mga medikal nga proseso. Bisan patumbayaan ka pa sang mga staff sa emergency room, mahatagan nila sa gihapon sang justification ang ila hulag. Teh, sin-o gid abi kita nga mag-question sang bagay nga wala natun matun-an?
May isa gani ka hitabu nga ginhambal sang doktor sa folks sang pasyente nga wala na pag-asa nga mabuhi ang ila pasyente. Pero wala ginpati sang pamilya ang prognosis sang doktor, sa baylo ginsaylo sa pribado nga hospital ang bata nga may dengue, kag subong buhi ang bata.
Ini nga mga sitwasyon maathag nga kapalpakan sang natungdan nga ospital kag doktor sa amo nga ospital. Pero sang ginpaatubang sa folks sang pasyente, may paathag sya sa gihapon nga indi mahimo mabali sang tagreklamo kay indi man siya doktor.
Ang aton mga doktor may ginadampigan nga delicadeza nga indi nila mahimo i-question ang diagnosis kag prognosis sang kaangay nga doctor. Sa sini nga sitwasyon, sa diin bala madalagan ang mga makalolooy nga pasyente kag ila pamilya kun nagkulang ang doktor ukon nag-abuso ini sa iya poder?
Mareklamo ka sa Department of Health? Sa Professional Regulation Commission? Antes matapos imo reklamo, patay ka na. Kag sigurado, indi ka makakuha sang ginalauman nga hustisya.
Pasensya kun nangin personal sa akun ang ini nga sitwasyon. Ini bangud naagyan ini sang akun anak sa Iloilo Provincial Hospital. Suno sa mga nagdala sa iya sa hospital, mga 45 minutos wala sila gin-atipan sang mga staff kay gin-una pa nila ang pagpinangakig sa pasyente kag folks sang pasyente. Sa ginalauman, indi kuno ini matuod. May paathag naman sila nga natatap nila kuno ang akun anak.
Sige, indi na ako magreklamo sa akun personal nga kawsa…pero tamda nyo lang Iloilo Provincial Hospital ang nagabaha nga comments sang mga Facebook users nga may malain nga inagihan sa iyo mga kamot. Indi kamo makasiling nga luwas na kamo kay kun basahon ang kumento sang mga Facebookers, madamo na kamo sang nabiktima sa inyo hospital.
Kapila gid bala kamo pahanumdumon sang pamunuan probinsyal sang Iloilo?
Madamo na sang reklamo batok sa inyo kag masami nalutsan ninyo ukon wala na nagpadayun ang complainant.
Dok, malooy man kamo. Indi lang kamo magsid-ing sang giring sang kwarta. Kun nagatrabaho kamo sa ospital, ginalauman na ini nga masako kag tuhay nga klase sang mga tawo ang inyo maatubang. Kun gusto nyo nga kamo matuman sa inyo oras, halin kamo da kag magsulod sa private practice. Pero samtang ara kamo sa pasilidad sang gobyerno nagatrabaho, indi ka maglaum sang masulhay nga sitwasyon.
Dok, malooy ka. Kun indi ka man lang makahatag sang husto nga sirbisyo, itugyan ina sa iban kay madamo pa sang mga doktor nga mas matarong kag may pagpalangga sa ila trabaho kag pasyente.
Dok, malooy ka. Maghalin ka na da sa pwesto mo!/PN

[/av_textblock]

[/av_one_full]