[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Maabtik nga hulag’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=”]
Thursday, April 20, 2017
[/av_textblock]
[av_textblock size=” font_color=” color=”]
DALAYAWON ang maabtik nga hulag ni Mayor Jed Patrick Mabilog sa isyu sang pagpalasik sang bugas sa City Social Welfare and Development Office (CSWDO).
Gilayun nga gintukod sang alkalde ang ad hoc committee paagi sa Executive Order No. 36 agud mag-imbestigar sa isyu.
Kadungan sini nagmando man si City Administrator Hernando Galvez nga i-relieve sa ila pwesto sanday Edwin Florendo nga bodegero kag Jonathan Celiz nga driver sang CSWDO.
Suno kay Galvez, i-assign sila sa iban nga opisina agud indi maapektuhan ang pagtipon sang mga ebidensya sa ila ginhalinan nga opisina.
Kadungan sini nagpaandam man si Galvez sa iban pa nga empliyado nga magaserbe ini nga paandam sa posible nagahimo man sang katuntuhan sa ila opisina.
Sang ti-on sang ginkakas ang city administrator nga si Norlito Bautista, may mga imbestigasyon man sa mga isyu apang wala gid nakahuman sang konklusyon. Dapat indi na ini masulit sa sini nga higayun nga may imbestigasyon apang wala naman sang resulta. Indi lang matapos sa maabtik nga hulag ang isyu kundi dapat may resulta.
Sa halos isa ka tuig nga pagpungko ni Galvez bilang city administrator, makabig nga madamo man sya sang mga isyu nga naatubang pero ini tanan nasabat sang maathag kag nahatagan sang tadlong nga dalan.
Indi madula ang isyu sa pagdumala sang gobyerno, importante nga gina-address ini sang natungdan. Makabig nga right man for the job si Galvez. Maka-engage sya sa isyu nga may intilehente nga sabat. Bisan pa nga inabogado ang sabat sa isyu apang may nagasabat sa problema.
Samtang nagahilapit ang eleksyon, lauman na ang mas madamo nga isyu nga magtulohaw. Isyu nga may kamatuoran pero nagtuhaw bangud sa political interest sang iban. Klaro nga kaugalingon nga kaayuhan ang handum sang iban.
Kabay pa nga mangin maabtik sa gihapon ang hulag sang syudad sa pagsabat sa mga isyu kag pagdihon sang solusyon sa proiblema.
Panginbulahan sa maabtik nga hulag, Atty. Galvez (jfranco1975@yahoo.com/PN)
[/av_textblock]
[/av_one_full]
