[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Mamumugon, suluguon’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Wednesday, May 3, 2017
[/av_textblock]
[av_textblock size=” font_color=” color=”]
SANG Mayo uno gindumdom sang bug-os nga mamumugon ang adlaw sang mga nagahimakas, adlaw sang mga nagapangabudlay agud maghulag ang ekonomiya. Sila ang mga tawo nga nagapatulo sang balhas, nagabatas sang mabug-at nga trabaho apang kulang ang sweldo.
Diri sa Pilipinas magsiling ka gani nga mamumugon, ini nagatumod sa mga anak balhas nga nagapati-al sa init agud lamang makasweldo kag may ipakaon sa pamilya. Pero sila pa ang mga tawo nga ginakabig pinakanubo nga sahi sang tagpangabudlay.
Wala nagaalalangay ang sweldo sa tagsa ka rehiyon sa Pilipinas. Tuhay ang sweldo sa National Capital Region (NCR) kag tuhay man diri sa Kabisya-an Nakatungdan (KN). Mas mahal ang sweldo sa NCR bangud mahal man ang pagpangabuhi didto kun ipaanggid diri sa KN.
Diri sa Rehiyon 6 ang sweldo masobra lang sa P300 ang kada adlaw para sa mga minimum wage earners. Kun ini lang saligan mo indi gid mabuhi ang pamilya nga may apat ka myembro. Sa bugas pa lang kag sud-an kulang na. Paano na lang ang biste kag bulong kun may magmasakit? Sa diin naman kuhaon ang budget para sa edukasyon?
Malala na ang sitwasyon sang mamumugon sa Pilipinas. Kun may pagpataas gani sang sweldo mareklamo ang mga employers nga mamuhin na lang tawo ukon manirado negosyo kay indi na makasarang magpasweldo sa ila tinawo.
Ngaa bala sa pagkadalok gid sang mga employers sa paghatag sang benepisyo sa iya mga empliyado? Ngaa bala wala nila ginakabig nga kabahin sang ila negosyo ang mga mamumugon? Ngaa bala suluguon lamang ang ila pagtulok sa ila mag empliyado? Ngaa bala nga ginakabig nga liabilities sang mga employers ang ila empliyado sa baylo nga kabahin sang ila kumpaniya?
Ang mga ordinary nga empliyado amo ang may dako nga bahin sa kauswagan sang kumpaniya. Pero ngaa sa pagsanyog sang kumpaniya wala nadala ang sweldo sang mga mamumugon? Sa pihak sang padayun nga pag-umwad sang kumpaniya ngaa nagapabilin nga wala sang pagbag-o sa kabuhi sang mga ultimo nga empliyado?
Sa tagsa ka Mayo Uno nagahangla ang mga mamumugon kun ano man ang mahatag sa ila nga promisa sang gobyerno. Ang problema lang kay madamo sang pangako apang wala man ginapat-ud kun bala ginapatuman ini sang mga kumpaniya. Ang paghatag sang benepisyo wala lang nagatapos sa paglawag sa publiko ukon pagpasa sang kasuguan kundi ang pagpasiguro nga ini hugot man nga ginapatuman.
May pagbag-o ayhan sa kabuhi sang anak balhas kag sahing manugpangabudlay?
Matuman ayhan ang pangako ni President Duterte nga matapos na ang endo? Ukon magapabilin ini nga pangako?
Panawagan sa Department of Labor and Employment (DOLE), libuta nyo ang mga negosyo sa downtown Iloilo ilabi na ang ginapanag-iyahan sang mga dumuluong kay wala na sa minimum ang sweldo sang ila mga empliyado. Wala na sa minimum, awas pa sa walo ka oras.
DOLE, abi tamda man ang pagkagha sang mga kubos nga empliyado. (jfranco 1975@yahoo.com/PN)
[/av_textblock]
[/av_one_full]
