[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Mga ipokrito’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Friday, June 9, 2017
[/av_textblock]
[av_textblock size=” font_color=” color=”]
ANG MABUDLAY sa Pilipinas kay moralista ang tanan. Indi luyag makabati sang tinaga nga may kaangtanan sa sex. Indi sila gusto makabati sang _t_t kay bastos pero okey lang kun sex. Indi sila magmitlang sang m_n_y ukon b_t_, dapat vagina ukon penis. Ano bala ang kinalain sang Ingles sa duna nga pulong?
Ngaa bala kun estoryahan ang nagakatabu nga eskandalo may kaangtanan sa sex kun lokal ang mga naulamid, dako gid nga salta sang mga ipokrito? Pero ngaa kun kaangay man ang tema pero sa abroad natabu, ngaa acceptable man sa aton? Mathag nga double standard.
Amo na ang problema sa mga Pilipino kay ipokrito. Nagapanginam-kinam man kun makakita gwapa ukon gwapo pero pa-demure-demure pa kun abi. Nangidlisan kita magsugilanon sang mga bagay angut sa pagpakighilawas pero dasig man magtaas ang aton populasyon. Nahuya kita mag-estorya sini nga mga bagay apang kun makabata nagalambot man sa isa ka dosena.
Maathag nga ipokrito kay gahuyahuya pa pero mahilig man gale. Kun sa hulobaton pa, “maginoong manyak” para sa mga lalaki ukon “mahinhing mahilig” naman para sa mga babaye.
San-o pa ayhan magbag-o ang panan-awan sang mga Pilipino sa sini nga mga bagay? San-o pa bala mag-untat sang ila pagka-ipokrito ang mga Pilipino?
Sa data sang Department of Health, mataas ang kaso sang HIV infection sa mga lamharon. Madamo man ang kaso sang teenage pregnancy. Ini nga mga datus wala lamang nagakatabu bangud gusto sang mga natungdan. Ini nagakatabu bangud sa kultura sang mga Filipino nga ginakahuya ang sex apang mabakas man magkawatkwat.
Indi luyag sang mga moralista kag matarong ang mga bagay angut sa sex kay makaguba kuno ini sang moralidad sang mga kabataan. Husto bala ini nga balasehan?
Ang pamangkot: Teh kay wala ginaestoryahan ang ang sex sa sulod sang balay kag sa pamilya, ngaa madamo man ang nagali-ad nga bata pa? Ngaa madamo man nga lamharon ang infected sang HIV?
Kun pamati-an lang ining mga tawo nga nagakabig sang ila kaugalingon nga matarong, masunog na sa impyermo ang kalag sang iban. Sila na lang ang maluwas. Pero nakapaminsar man bala sila nga tan-awon ang ila agi kun bala nakasawsaw man sa lunang ang ila dapadapa?
Grabe gid ang yaab sang baba kay ginapamatukan ang mga ara sa social media. Ginakontra ang posts sang iban. Ayteh kun indi ka imo makasaho sa social media kundi deactivate ka. Amo na bala ang siling nga kun mainit na ang imo buli sa ginapungkuan mo, kundi tindog ka kag maglakat. Indi nga magnagay ka imo ya wangal kag magpakilala nga daw ikaw gid ya ang matarong kag may monopoliya ka sang pagkamatarong. Pwe!
Makasuloka ang kaplastikan. Daw makupos ako sa kahuya sa pagka-self-righteous sang iban. Ipokrito! Balaan nga sungayan! (jfranco1975@yahoo.com/PN)
[/av_textblock]
[/av_one_full]
