[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS | Paano mag-report sang husto sa sala nga panggobyerno?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=”]
Sunday, April 30, 2017
[/av_textblock]
[av_textblock size=” font_color=” color=”]
SA KARON nga Duterte administration, gina-demonize ang mainstream media. Buot silingon tanan nga ginasulat ukon ginawaragwag kontra sa gobyerno ginakabig na nga pagpangguba sa administrasyon.
Kun nagabantay ka sang balita sa broadcast man ukon print, ginadominar sang negatibo ang balita sang sa positibo. Kun may positibo man ara sa inside pages ukon sa mas ulihi nga bahin sang mga newscasts.
Pero ngaa bala madamo ang negatibo nga balita kontra sa Duterte administration? Kontra gid man sya bala sang media ukon may kapaltahan gid man ang iya liderato?
Isa lang man ang sigurado ako. Indi maghimo-himo sang estorya ang media kun wala sang balasehan. Kun ano man ang negatibo nga gin-report sang media sigurado nga may balasehan ini. Gani ang husgaran ang media nga bias indi man matarong. Kun bias ang media kuntani wala na ginabalhag pa ang mga pahayag sang President.
Ngaa bala ang negatibo ukon sala lang nga tikang sang gobyerno ang masami nga na-highlight? Ini ang palamangkutanon sang tawo sa gobyerno. Ang sabat dira, himo ka sang matarong agud matarong man ang i-report. Himo ka sang malain kay sigurado malain man ang balita nga magaggwa.
Madamo na sang mga tikang ang Duterte administration nga nagabutang sa trabaho sa media sa alang-alang. May mga kumento ang President nga posible makainstigar agud magkaakig sa media ang publiko.
Suno sa Malacañang magasugod na sila sang paghatag sang accreditation sa mga social media personalities nga makaupod sa press briefings sa palasyo. Ini bangud suno sa ila wala na sang maayo nga ginahambal ang media sa gobyerno.
Indi ayhan mas bias man ang gobyerno sa treatment sa mainstream media? Nakabati bala kita sang pasalamat sa administrasyon sa pagreport sang maayo nga hinimuan sang gobyerno? Daw wala man?
Kunsabagay wala man nagalaum sini ang media bangud trabaho nila ang pagpaggwa sang balita maayo man ukon malain.
Kaladlawan ang gobyerno nga nagahinanakit gid sa negatibo nga balita, pero lunsay man lang negatibo ang hinimuan. Paano ka makalaum sang positibo nga balita kun mismo ang gobyerno naga-project sang negatibo nga imahen sa publiko?
Halimbawa lang ang pagpamuyayaw sang President sa iya speeches…Makalaum ka ayhan nga indi ini pagpalayag sang media? Makalaum ka ayhan nga dayawon ini sang media? Siguro man iban nga nagadayaw pero mayoriya negatibo ang reaksyon. Teh ano na lang abi ang matabu? Suportahan ta ang President sang pagpinamuyayaw kag magbuyayaway na lang kita kun may naakigan kita?
Simple lamang ang realidad sa kalibutan: Himo ka sang maayo kay ihambal ko ang iya pagkamaayo, kun magbuyayaw pa ako sa imo, sigurado may litik na ako sa ulo. (jfranco1975@yahoo.com/PN)
[/av_textblock]
[/av_one_full]
