[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Palhok nga kanyon! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Tuesday, May 23, 2017
[/av_textblock]
[av_textblock size=” font_color=” color=”]
PALHOK nga kanyon…paglaragway sa kanyon nga sa pihak sang kadakuon, mahinay ang lupok. Kaangay man sini ang tawo nga matunog ang singgitan kag maggahod ang baba apang wala man sang punto kag lunsay kabutigan ang ginawakal!
Akuon man sang mga Ilonggo ukon indi, dako ang binuhatan sang mga local officials subong para sa syudad sang Iloilo. Pero wala ini natuman nga mga handum kun wala sang impluwensya sang mga nauna nga politiko sa national kaangay nanday Sen. Franklin Drilon kag anay Justice secretary kag Lone District congressman Raul Gonzalez Sr.(Si Junior paaman na lang na ya sa iya amay).
Ang daan nga Iloilo Domestic Airport wala nahimo nga Iloilo Business Park sang Megaworld kun wala ginpadihutan ni Gonzalez nga mabaligya.
Matapos ang isa ka failed bidding, nabakal ini sang Megaworld sang mga Tan. Matapos ini nabaligya, nangin isyu man ang lab-anay kag komisyunanay sa baligyaanay sang duta.
Pero bangud ginbalewala ang isyu sang korapsyon sadto, gindayun ang negosasyon, tuluka nyo kun ano ka tahum ang development sa lugar. Ini nga development ang nagganyat sa iban man nga developers nga mag-invest sa Iloilo. Kaangay sang Ayala Land, Gaisano kag DoubleDragon. Tanan nga ini bunga sang nakita nga development sang syudad.
Sa kauswagan sang syudad indi man naton siguro makalimtan si Drilon nga nagdala sang madamo nga mga proyekto. Apisar nga napun-an na sang isyu sang korapsyon ang iya mga proyekto, indi mahimutig nga dako nga bagay ang mga proyekto sang Ilonggo senator.
Basta gani dalagko ang proyekto, dalagko man ang korapsyon. Dalagko man ang gan-it sang mga pulitiko. Indi na ini malayo kay sistema na sang aton gobyerno. Ang importante nga nagabantay kita.
Ang iban da nga nagasinggit sang adbokasiya kontra korapsyun, nagapangulintas man gani sang kaso sa Ombudsman. Indi man gani mapaathag kun ngaa wala sang trabaho pero ang lifestyle iya sang milyonaryo. Pila ka bilog ang balay kag may mga salakyan. Kunsabagay base dako pa man ang sinuptan sa mga kinawatan sang sya ara sa luyo sang mga may poder.
Sang damlag may mga negosyante gikan sa Hong Kong nga nagbisita sa syudad para sa pagpangita sang business opportunities. Sadtong Marso nagbisita man ang trade ambassador sang Great Britain sa Iloilo agud magtan-aw man kun diin sila nga aspeto mahimo makabuhos sang ila financial exposure. Tanan nga ini bangud sang nakita nila nga pag-uswag sang syudad.
Ang Iloilo indi mag-amo sini kun indi tungod kay Drilon kag sa karon nga mga opisyal sang gobyerno. Antes pa man natapos ang term ni President Aquino nga kaalyado niya, ginpasiguro na nga may budget ang iya naplano nga mga proyekto. Ina ang kabangdanan nga bisan nagkambyo man ang administrasyon, padayun ang mga naplano nga proyekto sa syudad sang Iloilo.
Samtang nagasuporta kita kay President Duterte indi na bala mahimo nga suportahan ta man ang mga proyekto nga nagasulod sa syudad bangud sang paghimakas sang mga local kag nasyonal nga politiko nga Ilonggo? Ngaa bala may iban gid nga bitter? Indi ayhan bangud nga wala sila nakaambit? Or basi gusto lang man nila nga mag-ambit?
Indi man guro kinahanglan nga maggustuhan naton personal ang politiko. Kun may personal man kita nga kaakig kay wala kita nakakuha sang pabor, awaya lang sya personal, indi pagdalahiga ang mas masangkad nga hanay sang mga Ilonggo nga nagakalipay bangud sang progreso sang syudad dala sang mga dalagko nga proyekto.
Yes! Awayon ta ang kagarukan, pero dapat indi ta paghalitan ang kaayuhan sang kadam-an. (jfranco1975@yahoo.com/PN)
[/av_textblock]
[/av_one_full]
