[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Si Duterte, Mabilog kag iban pa sa Antique’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=”]
Wednesday, April 26, 2017
[/av_textblock]
[av_textblock size=” font_color=” color=”]
NAPASLAWAN si President Rodrigo Duterte nga mapunggan ang kaugalingon nga mamuyayaw sa atubang sang mga players, coaches kag bisita sa opening program sang Palarong Pambansa sa Antique.
Sa una, ikaduha kag ikatatlo nga ti-on nakapugong si Digong apang sang ulihi nakamitlang gid sya sang “’tang ina.” May mga higayun nga hungod niya nga wala ginatapos ang iya hambal, ukon magkumod sa katapusan sang iya sentence agud matago ang pagpamuyayaw.
Wala napunggan sang Presidente nga mapakita ang iya kaugot sa tagsa ka makalambot sya sa sugilanon sang terorismo sa Mindanao kag ilegal nga droga sa pungsod. Nagpamahog pa sya nga ipatuman niya ang lockdown sa Mindanao kun padayun ang pagsabwag sang terorismo sang Abu Sayyaf.
Ngaa bala indi gid makapugong si Duterte sa pagpamuyayaw? Nahangpan naton nga ini pagpakita sang iya frustration sa nagakatabu sa pungsod, pero ang pagpamuyayaw bala makasabat sa problema sang pungsod?
Sa iya pag-atubang sa masobra sa 10,000 ka mga atleta kag iban pa nga delegado, ang President dapat magpakita sang maayo nga pagbinatasan. Pagbinatasan nga bisan ano pa ang kaakig, wala nagapamuyayaw kundi ginadala sa matawhay nga estorya ang sitwasyon.
Linibo ka lamharon kag linghod nga paminsaron ang gin-atubang sang President. Ini nga mga utok preska kag madali nga matamnan sang mahigko nga mga pulong, ilabi na kun ginahangad nila ang nagahambal sa ila atubang.
Samtang suprtado naton ang katampad kag kaseryoso ni Duterte sa iya kampanya, ginapanawagan man naton nga dapat mag-akto man sya bilang halangdon nga lider. Itugyan na lang ang pagpamuyayaw sa mga tawong kalye.
Sa pihak sini, nalipay kita bangud wala niya gin-gamit ang Palarong Pambansa agud imitlang naman ang iya drug list. Sa una nagakahangawa kita nga himuon ni Duterte ang higayun agud mapakahuy-an naman ang mga tawo nga ara sa iya listahan. Nahibaluan ta nga may isa dira ka mayor sa Antique nga ginmitlang ni Digong.
Nakadayaw man kita sa professionalism ni Mayor Jed Patrick Mabilog. Apisar sang posibilidad nga pakahuy-an sa atubang sang linibo ka bisita nga basi imitlang naman ang iya ngalan, nagtambong sya sa opening program. Gikan pa sa Hong Kong ang alkalde para sa isa ka trade mission kuntani apang gin-utod niya ang iya byahe agud magpauli kag magtambong sa kahiwatan. Nakita naton ang kabakod sang dughan kag senseridad sang alkalde nga apisar nga basi mapakahuy-an naman, nagtambong sya sa gihapon. Gin-atubang niya ang sitwasyon nga may kaisog.
Kunsabagay mahuya man guro si Duterte nga bastuson ang tagbalay sa iya mismo puluy-an. Pasalamat man kita kay wala ginpulitika ang Palarong Pambansa.
Sa mga atleta sang Kabisay-an Nakatungdan, madaug! madaug! Dal-on ta ang bulawan pauli! (jfranco1975@yahoo.com/PN)
[/av_textblock]
[/av_one_full]
