[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Thursday, October 26, 2017
[/av_textblock]
[av_textblock size=’18’ font_color=” color=”]
PETMALU ukon malupet, lodi ukon idol kag werpa ukon power – mga expression sang kabataan subong agud ipakita ang pagdayaw sa maayo nga hinimuan sang isa ka tawo.
Kun kaisa ginagamit man ini bilang isa ka sahi sang sarcasm agud insultuhon ang indi maayo nga hinimuan sang isa ka tawo.
Ini nga mga bulongaton (expression) sang mga kabataan mahimo magamit sa duha ka pagpakahulogan para sa hinimuan sang isa ka pulitiko.
Sa bahin ni Acting Iloilo City Mayor Jose Espinosa III makasiling gid ako nga petmalu, lodi, werpa, Joe III. Ini bangud sang mga maabtik niya nga hulag sa mga reklamo sang publiko. Mga bagay nga sang una daw ginakatahapan nga himuon ginsulong nya kag ipatuman kaangay sang pagkakas sang mga obstruction kag ukay-ukay sa mga plaza sang syudad. Bangud sini nakatanum sia sang impression nga may political will nga klase sang lider. Petmalu! Lodi! Werpa!
Nakapaggwa man sia sang mga executive orders kag memorandum orders agud mapabakod kag matagaan ngipon ang pagpatuman sang pila ka kasuguan sa syudad. Talalupangdon diri ang iya ginpaggwa nga EO nga naga-institutionalize sang “Drug Free Workplace” nga kampanya ni Mayor-on-leave-Jed Patrick Mabilog. Pero ginbutangan pa niya sang twist kag ginpaukay nya sa Philippine Drug Enforcement Agency (PDEA) paagi sa isa ka kibot nga greyhound operation. Petmalu gid ya! Lodi! Werpa!
Sa madata nga reklamo sang mga paglapas sa curfew for minors, nagtukod sang oversight committee for family, women and children si Joe III. Ang katungdanan amo nga bantayan ang Task Force on Moral Values Formation sa pagpatuman sang ordinansa. Pat-uron dapat sang oversight committee nga hugot ang implementasyon sini.
Sa handum nga mapabakod pa ang oversight committee kag mapasiguro ang kaluwasan sang mga kabataan ilabi na nga ti-on na sang mga paghanas para sa 50th Dinagyang Festival, ginsapol ni Joe III ang mga tribe managers, choreographers, principals , kapulisan kag iban pa agud mahambalan ang possible solusyon sa problema nga masami biktima ang mga tribe members sang gang war.
Diri nahuman ang plano nga hatagan sang mga ID ang kabataan nga kabahin sang mga tribu. Petmalu! Lodi! Werpa! Maayo gid ini nga lihok.
Sa pihak nga bahin, ang daw indi lang maayo sa panan-awan kag ginakabig nga petmalu move ni Joe III amo ang appointment ni Melchor Tan bilang permanent member sang Iloilo City Bids and Awards Committee (ICBAC). Apisar nga legal man ini pero may palamangkutanon sang etiketa bangud kilala nga tawo ni Cong. Jerry Treñas si Tan. (Si Treñas bilas ni Joe III) Kaangay bala nga ginatanum na niya ang iya tawo sa city hall.
Dugang pa dira si IT-II Francis Cruz nga ginbutang man sa Technical Working Group (TWG) sang ICBAC. Petmalu kay Treñas boy man ini sia gihapon. Petmalu gid, Joe III. Lodi! Werpa!
Sa pihak sini nga mga bagay, makasiling kita nga sa pangkabilugan, petmalu, lodi kag werpa para kay Joe III. Ini bangud dako gid ang iya ginbag-o. Nangin malapit na sia sa media kag mahapos na matawgan.
Kunsabagay husto man ang siling nga nagahulat lang sia sang iya ti-on.
Petmalu! Lodi! Werpa! Joe III! Lead the city well!/PN
[/av_textblock]
[/av_one_full]
