[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PLANTADOR SANG TUBO, DRAYBER PATAY SA AMBUSH ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Friday, June 23, 2017
[/av_textblock]
[av_textblock size=” font_color=” color=”]
Syudad sang BACOLOD – Patay ang plantador sang tubo kag ang drayber sang iya de-karga nga trak matapos nga gin-ambush sila sang kapin 15 ka armado nga mga tawo sa Sitio Matso, Purok Green Hills, Barangay Minapasok sa banwa sang Calatrava, Negros Occidental mga alas-6:45 sa aga kahapon.
Ginkilala ni Chief Inspector John Joel Batusbatusan, hepe sang Calatrava PNP, ang mga biktima nga sanday Norberto “Baby” Tapang Lumayno, 67, kag taga-Purok Passing Truck sa Brgy. Minapasok, Calatrava; kag Danilo “Dannyboy” Braga, 45, may asawa kag naga-istar sa Sitio Bonbon, Brgy. Marcelo sang amo man nga banwa.
Ginkumpirmar man ni Konsehal Eldie Monterde sang Calatrava ang insidente bangod naagyan niya ini sang maghapit sia kahapon sa iya balay sa Brgy. Marcelo.
Sunu sa mga pulis nga may kahilabtanan ang krimen sa ginamo sa duta kag lakip sa gingamit sang mga suspek sa pagpatay amo ang mga kalibre .45, M203, AK47, M14, kag M16 sa diin narekober ang mga basiyo sang mga ini sa duog sang insidente.
Ginkumpirmar man sang utod ni Lumayno nga anay kapitan sang Brgy. Minautok nga ang kabangdanan sang krimen amo gid man ang gamo sa duta. Wala niya lang galing ginpahayag ang detalye apang sunu sa iya, nagdangat na ang kaso sa barangay.
Sunu naman sa kabo nga si Armando Villarin, may ipa-obra sadto nga adlaw ang ila amo pero dimalas nga ginlambatan sila sang amo nga duog mga pila lang ka metros ang kalayuon gikan sa national highway.
Matapos ang pagpaniro sang mga suspek, gilayon man ang mga ini nga nalagyo ang mga armado kag nagasinggitan nga mga NPA (New People’s Army) sila, dugang ni Villarin./PB
[/av_textblock]
[/av_one_full]
