[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | MAIWAT ANG KALINONG’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=” color=”]
Friday, June 23, 2017
[/av_textblock]
[av_textblock size=” font_color=” color=”]
Nagakatublag ang aton komunidad. Kakugmat ang ginabatyag sang mga pumoluyo. Nagakabalaka ang aton pangulohan bangod sa asud-asud nga mga hitabu nga nagatay-og sa kalinong kag katawhay sang aton palibot.
Kita nga mga pumoluyo nga nagapangabuhi sang malinong ang una nga apektado sang sini nga mga kalakasan kag mga gumontang sa tunga sang duha ka puersa nga nagataksanay paagi sa armas-luthang.
Imbes nga wala kita sang dapat nga panumdumon, yari kita karon nagapanigana, yari kita nga nagapanghanda, yari kita nga naga-antisipar sa posible nga matabu.
Tubtob san-o ang ini nga sitwasyon? Wala bala kita naluyag nga matawhay ang aton pangabuhi? Luyag bala naton nga masami nga ginakibang? Wala bala sila naluoy sa mga tawo nga wala sang handum nga mangabuhi sa komunidad nga magamo?
Ang natabu nga pag-reyd sang NPA sa Maasin Police Station ang nagatuga lang sang singki sa magtimbang nga bahin. Mas nagalala ang tensyon sa tunga sang magtimbang nga puersa kag ang tagsa-tagsa nagapanigana agud nga indi mahalitan sa liwat.
Ano ang naganar sang NPA sa ila ginhimu? Mapakita sa pumoluyo nga yara pa ang ila puersa? Nga padayun sila nga naga-igsister sa komunidad? Nga angay sila nga hatagan sang pagtamod sang gobyerno? Nga himpit ang ila pag-ulikid sa tawo?
Apang nangin epektibo bala ang ila padugi? Nalipay bala ang tawo sa ila ginhimu? Bisan pa nga wala sila naghalit sa pumoluyo, nga wala sang may nasamaran, apang ang kakulba nagpatay-og sa ila dughan. Ang kabalaka naglikop sa ila panan-awan kag ang ila pinsar ginlamon sang kahangawa.
Ini bala ang aton ginapatudok sa pumoluyo nga sahi sang pag-agom sang hustisya kag sabat sa aton mga hibubun-ot sa gobyerno? Husto bala nga paagi ang ila ginhimu sa pagsinggit sa mga isyu nga luyag nila ipahibalo sa gobyerno?
Kon nagapati sila nga may sayop ang kapulisan, ngaa wala sila naghimu sang matarong nga paagi nga wala na sang iban nga mahalitan. Kon nagapati sila sa ila ginasinggit nga hustisya, ngaa makahas ang ila ginhimu?
Kadlawan naton ang kapulisan nga wala nagbatu sa ila, apang kon natabu nga nagbatu ang kapulisan, pila ayhan ka kabuhi ang nautas, pila ayhan ka sibilyan ang nahalitan. Liwat ayhan nga nagpaligo ang duta sang dugo sang mga inosente?
Kon luyag nila sang kalinong, ginapamatian na sang gobyerno ina paag sa peace talks. Padayun ang negosasyon sang ila mga lideres, ginaduso nila ang ila interes. Apang ngaa samtang naga-istorya sila sang kalinong, padayun ang ginahimu nga pagsamong?
Sensiro gid man bala sila sa ila katuyoan? Ukon nagapamentaha lamang sa sitwasyon samtang padayun nga nagapakig-away ang mga soldado sa mga terorista sa Mindanao.
Ang ila nga ginhimu nakapaayo bala sa ila nga imahen?
Ang kalinong kaangay sang isa ka hilway nga pating, kon nagalupad aton pagadakpon kag isulod sa hawla, kon yara na sa hawla aton pagabuy-an, apang pagatiraduron naman sang iban.
Mabudlay pangitaon ang kalinong gikan sa iban kon sa aton kaugalingon indi naton makit-an.
Kon magamo ang aton balatyagon kag paminsaron, mangin maiwat ang kalinong./PB
[/av_textblock]
[/av_one_full]
