[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Prevendido nagapanago sa 2nd, 5th districts ‘ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Madamo sang nabaton nga mga impormasyon ang Iloilo Police Provincial Office (IPPO) nga diri gihapon nagapanago sa probinsya sang Iloilo ang nabilin nga drug lord kag ginakabig No. 1 nga durogista sa syudad.
Sunu kay Senior Supt. Harold Tuzon, director sang IPPO, may nabaton sila nga report nga yara sa segundo distrito kag kon kaisa yara man sa quinto distrito si Richard Prevendido, lider sang Prevendido group nga naga-operate sa Brgy. Bakhaw, Mndurriao.
“May info kami na merong din second district and merong din sa fifth district,” aku ni Tuzon sa interbyu sang isa ka istasyon sang radyo sang ginpamangkot kon diin nga banwa ukon distrito nagapanago si Prevendido.
Ginpasiguro pa sini nga gina-usisa kag ginatul-id nila sang maayo ang tanan nga impormasyon nga ginahatag sang publiko sa mga kapulisan angut sa ginahamtangan ni Prevendido.
“Oo. Marami tayong information na na-receive na yon nga. Vini-verify natin yong reports, vina-validate natin. Daming reports. All these reports are validated, talagang min-monitor natin kung talangang tama,” pasiguro sang director.
Kon makumpirmar na nga sa probinsya gid man si Prevendido, ginpasalig ni Tuzon nga dakpon gid nila ini.
May pila naman ka mga lugar nga gin-validate ang IPPO nga posible panagoan ni Prevendido apang lunsay tanan nangin negatibo.
Namutikan man ni Tuzon nga apektado ang negosyo sang grupo sang mga Prevendido bangod nga tuman ka-id-id ang kampnya sang provincial command sa ilegal nga droga.
“Makikita natin yong suplay di ba, pahirapan na eh. Masasabi natin na medyo balda na yong drugs (ng mga Prevendido),” dugang ni Tuzon.
Masami man karon nga madakpan sang kapulisan amo ang mga durogista halin sa iban nga lugar kag indi halin sa Iloilo./PB
[/av_textblock]
[/av_one_full][av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Durogista gintiro sang Pulis’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang isa sa duha ka high-value targets sa pagduso sang ilegal nga droga kag subjects sa warrant of arrest para sa kaso nga two counts of murder sa operasyon sang Criminal Investigation and Detection Group (CIDG) 6 sa Barangay Ticud, La Paz alas-3:34 sang hapon kahapon. Gindeklarar nga dead-on-arrival sa West Visayas Medical Center si Aslani Ansari alyas Boy nga nakaagom sang pilas sa lawas. Na-aresto naman ang upod sini nga si Alex Mapandi alyas Angari/Agie, 31. Sandig sa report halin kay Senior Supt. Marlon Tayaba, hepe sang CIDG-6, upod ang mga katapo sang Special Weapons And Tactics kag Iloilo City Police Office, plano nila nga i-serbe ang warrant of arrest para sa kaso nga two counts of murder kontra sa duha sang nagluntad ang insidente. Ginapasuni nga nagbatu si Ansari paagi sa pagtiro sa isa sa mga katapo sang CIDG-6 rason nga na-puersa ang mga otoridad nga magbalos kabangdanan sang iya kamatayon. Narekober naman sa paghinakop sang duha ang duha ka mga pusil kag pila ka plastic sachets sang ginapatihan shabu. Sa interbyu naman sang mga katapo sang media kay Senior Insp. Rey Sumagaysay, hepe sang La Paz PNP, sanday Ansari kag Mapandi ang ginatudlo mga suspek sa pagpatay paagi sa pagsunog sa isa ka Muslim nga nasapwan nga naputos sa plastic sa circumferential road sa Brgy. Balabago, Jaro sang tinalikdan nga bulan./H
[/av_textblock]
[/av_one_full]
