[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PRO-6 gindayaw kaisog sang Regional Mobile Force ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Gindayaw sang Police Regional Office (PRO) 6 ang ginpakita nga kaisog sang Regional Mobile Force nga naka-engkwentro sa isa ka yunit sang Jose Percival Estocada, Jr. Command sang Central Panay alas-sais sang gab-i sadtong Biyernes sa Sitio Camansi, Brgy. Bolo, Maasin, Iloilo.
“PRO-6 is commending the brave Regional Mobile Force Troopers for their will to fight; the true blooded warrior and vanguard of peace. You are our strength and inspiration,” pahayag sang PRO-6 sa ila opisyal nga Facebook page.
Ang ginatumod diri amo ang pagbalos sang tropa para maka-atake kontra sa mga katapo sang New People’s Army (NPA) sa pihak sang ila naagom na nga mga pilas.
Ginlaragway man sang PRO-6 nga “sad but grateful” sila sa natabu matapos isa lang ang napatay sa tropa sang mga pulis kag indi man malubha nga nasamaran ang 12 ka iban pa nga mga pulis sang naglupok ang eksplosibo nga gintanom sang mga rebelde.
“We are so thankful for the Divine Intervention of our Almighty God that resulted in minimal casualties despite of the enemy’s advantage position, tremendous volume of gunfire and large amount of improvised explosive device intended to blow up our PNP personnel,” dugang sang PRO-6.
Pero labi nga gindayaw sang PRO-6 ang maabtik nga paghulag sang pulis nga drayber nga bisan nasamaran wala ini nadulaan sang presensya sang paminsaron bangod nga padayun ang iya pagmaneho sang 6×6 truck.
Daku man ang pasalamat sang PRO-6 nga napatay ang suga sang armored police truck rason nga indi makit-an sang mga rebelde ang hulag sang mga pulis sa sulod sang trak dala sang kadulom.
Matandaan nga ginbawian sang kabuhi si PO1 Joeffel Odon sang Regional Mobile Force matapos nga naigu sa ulo tion sang engkwentro samtang yara naman sa hilway na nga kondisyon ang 12 nga nasamaran nga sanday:
* Inspector Joy Melvin Dulce
* Police Officer 1 (PO1) Delby Bachiller
* PO1 Rolando Lozada
* PO1 Vincent Yasay
* PO1 April Ray Ansag
* PO1 Rolly Talento
* PO1 Kim Iber Cornel
* PO1 Keneth Delejero
* PO1 Paul John Banquillo
* PO1 Jay Christopher Ramos
* PO1 Mark Vienard Davila
* PO3 Jose Manuel Bana-ay
NPA GIN-AKU AMBUSH SA MAASIN
Sa pihak nga bahin, gin-aku na sang Jose Percival Estocada, Jr. Command paagi sa Facebook page sang Coronacion Chiva nga sila ang may kahimuan sa pag-ambush sa tropa sang kapulisan.
“Matagumpay na isinagawa ang isang yunit sa ilalim ng Jose Percival Estocada Jr. Command (JPEC) Central Panay ang pag-ambus sa tropa ng Regional Public Safety Battalion-6 (RPSB-6) sa Barangay Bolo, Maasin, Iloilo bandang alas 6 ng gabi, Nobyembre 24, 2017,” kabahin sang pahayag sang grupo sang NPA.
Bangod sini, nagpadala gilayon sang dugang nga puersa ang PRO-6 sa Maasin para magbulig sa Philippine Army sa paglagas sa mga rebelde./PB
[/av_textblock]
[/av_one_full]