[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PRO-6 naghiwat concert-for-a-cause’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nagtambong gid si Philippine National Police (PNP) chief Director General Ronald “Bato” dela Rosa sa concert-for-a-cause sang Regional Police Office (PRO) 6 nga ginhiwat sa Iloilo Convention Center (ICC) sang Miyerkoles sang gab-i.
Ginhalaran man sang mga ambahanon nga “All of Me” kag “Have I Told You” ni Dela Rosa ang kapulisan sa PRO-6 labi na ang nasamaran nga mga pulis sa nagluntad nga ambush sa Maasin, Iloilo kag Sibalom, Antique.
Ang nasambit nga “God Bless our PRO 6 Cops” concert gin-organisar sang Regional Advisory Council for Police Transformation and Development, Bless our PRO-6 Cop Movement kag PNP regional headquarters.
Ang natipon nga pundo tion sang konsyerto nga ginpasakopan sang lokal nga mga manogkanta kag sang PRO-6 Mandirigmang Mang-aawit ang makadto sa “Peso sa PNCO” para sa mga nasamaran ukon napatay nga mga pulis kag sa pagsuporta sa mga pulis nga may gina-atubang nga mga kaso.
Nangin highlight naman sang konsyerto ang pagpasidungog ni Dela Rosa sa siam sa 15 ka nasamaran nga mga pulis sa magkatuhay nga ambush sang New People’s Army (NPA) paagi sa paghatag sang Medalya ng Sugatang Magiting (PNP Wounded Personnel Medal) kag paghatag sang P50,000 nga cash kada isa.
Sa iya man mensahe tion sang konsyerto, gin-engganyo sang PNP chief ang nasamaran nga mga pulis nga magpadayun sa pag-away kontra sa NPA kag indi magkahadlok nga mapatay.
Antes naman nagtambong sa konsyerto, una nga nagkadto si Dela Rosa sa haya ni Police Officer 1 Joeffel Odon sa Cabatuan, Iloilo nga napatay sa ambush sa Maasin.
Personal man nga ginhatag ni Dela Rosa sa iloy ni Odon nga si Evelyn ang P174,000 nga cash gikan sa PNP kag dugang nga P100,000 gikan sa iya personal nga kwarta.
Luwas sini, ginbisita man ni Dela Rosa ang anum ka iban pa nga mga pulis nga nasamaran man sa engkwentro nga padayun nga ginabulong sa Iloilo Mission Hospital kag St. Paul’s Hospital kag ginpasidunggan man sini sang medalya kag tag-P50,000 nga kwarta./PB
[/av_textblock]
[/av_one_full]