[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Red tide alert gihapon sa Gigantes Island’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Friday, January 27, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Nagapabilin gihapon nga yara sa red tide alert ang isla sang Gigantes sa Carles, Iloilo matapos nga nagpagwa sang fish bulletin number 3 sang Enero 17 ang Bureau of Fisheries and Aquatic Resources (BFAR).
Bangod sang presensya sang red tide sa mga pakinhason didto, ginadumilian sang BFAR ang mga pumoluyo nga magkuha, magbaligya, magdala, kag magkaon sang mga pakinhason gikan sa Gigantes.
Sunu kay Director Remia Aparri sang BFAR-6, umpisa sang Nobyimbre 2016 may red tide na sa Gigantes kag wala pa ini makuha tubtob subong.
Kada semana, ang BFAR nagahiwat naman sang monitoring kag nagakuha sang sample sang tubig kag pakinhason para mabal-an kon positibo pa ini sa red tide.
Luwas sa Gigantes, ginabantayan man sang BFAR ang Pilar Bay kag Sapian Bay sa probinsya sang Capiz kag Batan Bay sa Aklan nga sang una ginpa-idalom man sa red tide alert apang ginbawi na sang nag-negatibo sa red tide sa ila pinaka-ulihi nga test.
Angut sini, nagpaandam ang lokal nga pangulohan sang Carles sa ila mga pumoluyo nga indi gid anay magbaligya, magkuha, magdala, kag magkaon sang mga pakinhason sa isla bangod nga may presensya pa sang red tide.
Hambal ni Mayor Salagunting Betita, na-obserbahan niya nga padayun ang pagbaligya sang pakinhason gikan sa Gigantes rason nga hugton na nila ang pagbantay para wala na sang residente nga mangisog sa pagbaligya./PB
[/av_textblock]
[/av_one_full]
