[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Renewal sang prangkisa sang PECO ginkontra ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginkontra sang grupo nga No To PECO Movement ang renewal sang prangkisa sang Panay Electric Company (PECO), ang electric distribution utility nga naga-operate sa sining syudad.
Ginpangunahan nanday mga konsehal Plaridel Nava kag Joshua Alim, Dr. Gold Gonzalez, mga cause oriented groups kag transport groups ang pagkontra sa renewal sang prangkisa sang PECO bangod sang pila ka mga rason kaangay sang:
* overbilling nga ginapatong sa mga konsumidor bisan wala nila ginakonsumo ukon ginagamit,
* billing without reading of electric meter kon sa diin may pila ka mga bill nga ginapadala ang PECO sandig lang sa ila computer generated system bisan wala sang aktwal nga reading gikan sa electric meter sang mga konsumidor,
* indi pag-deliver sang PECO sang billing rason nga nagadaku ang penalidad sang mga konsumidor,
* wala na-anunsyo nga power outages rason nga nagakaguba ang mga kagamitan sang mga konsumidor,
* wala sang aksyon sa mga reklamo sang mga konsumidor,
* arogante nga personnel sang PECO,
* wala pagrespeto sa mga konsehal sang syudad, kag
* pagbutang sang electric meter sang PECO sa mataas ukon tatlo ka metros gikan sa duta nga pagbayolar sang Magna Carta for Residential Electricity Consumers.
Gindugang man ni Alim nga ang pigado nga pagserbisyo sang PECO kag indi pagtuman sang obligasyon sa konsumidor ang mapag-on nga rason kon ngaa indi dapat pag-i-renew ang prangkisa sini.
Ginpanindugan man sang grupo nga indi sila maluyag nga magpadayun ang kasubong nga serbisyo sang PECO sa sulod sang dugang nga 25 ka tuig sa tion nga mag-expire ang prangkisa sini sa 2019.
Bangod sini, gusto sang grupo ilabi na nanday Alim kag Nava nga salu-on sang gobyerno nasyonal ukon magbukas sang oportunidad sa iban nga mga kompaniya nga dumalahan ang pagsuplay sang koreynte sa syudad para malikawan ang kasubong nga mga reklamo.
Sa bahin ni Nava, ginklaro sini nga non-negotiable ang ila panindugan matapos nga madugay na nga tinuig nga ginareklamo ang pagserbisyo sang PECO.
Matandaan nga may ginpalibot man si Alim nga petisyon para makatipon sang pirma sang mga konsumidor sang PECO nga nagasuporta sa ila panawagan nga indi pag-i-renew ang prangkisa sini./PB
[/av_textblock]
[/av_one_full]