[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Report: May bookies sa Btac Nuevo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Friday, March 10, 2017
[/av_textblock]
[av_textblock size=” font_color=” color=”]
Syudad sang ILOILO – Nakabaton sang report ang mismo director sang Iloilo Police Provincial Office (IPPO) nga may bookies ukon ilegal nga pasugal sang Small Town Lottery sa banwa sang Barotac Nuevo, Iloilo.
Sa interbyu sang mga katapo sang media kay si Senior Supt. Harold Tuzon, director sang IPPO, gin-aku sini nga nakabaton sia sang report nga may bookies sa amo nga banwa pero wala matumod kon sa diin nga barangay. Kag ini subong ang ginapa-usisa pa niya sa Iloilo Public Safety Battalion.
“We have also received information for validation. Actually ako mismo ang naka-receive. On-going validation pa naman. Basta nag-report sa akin, nakarating may nagapataya. Hinihingi ko nga ang specific name ng nagapataya, hulihin natin. General ang sabi na Barotac Nuevo,” hambal ni Tuzon.
Luwas sa Barotac Nuevo, nakabaton man sang impormasyon si Tuzon nga may bookies sa premier distrito pero sang iya ginsekyar, negatibo ini. Pero sa gihapon, padayun ang monitoring sang IPPO sa nasambit nga mga lugar para mapunggan ang pagduging sang bookies.
“Dito sa first district reportedly pero pag-validate kasi negative talaga pero continuous ang monitoring,” hambal niya.
Dugang pa sini, “Tuloy ang monitoring natin. Kon minsan mayroon tayong naririnig na resurgence of bookies. Tumatangap kami ng report pero immediately vina-validate naming, wala naman pero mas maganda kung continuing ang monitoring.”
Indi man magkahadlok sa pag-implementar sang kasugoan kontra sa ilegal nga pasugal si Tuzon sa tion nga magsugod ang pag-operate sang Eagle Crest and Gaming Corporation nga amo ang ginpahanugotan sang Philippine Charity Sweepstakes Office nga mag-operate sang STL sa Iloilo./PB
[/av_textblock]
[/av_one_full]
