[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ROAD CLOSURE SA JARO, ILEGAL?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Joel Franco
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 17, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Wala ginsuportahan sang Sangguniang Panlungsod (SP) ang ordinansa ni Majority Floor Leader Eduardo Peñaredondo nga nagatuyo nga mapabakud ang executive order (EO) ni Mayor Jose Espinosa III nga nagapasirado sang dalan sa Jaro Plaza para sa Jaro Agro-Industrial and Charity Fair.
Ang ginaduso nga ordinansa may tig-ulo nga “An Ordinance Authorizing the Temporary/Partial Closure of Jaro Plaza Covering Rizal St. Fronting the Jaro Cathedral and Extending up to the Corner of Lopez Jaena Street for the Period from January 13, 2018 to February 8, 2018 and Confirming Closure via Executive Order of the Mayor Dated January 8 series of 2018.
“Because we want to strengthen the legal stand of the mayor. While the local government code, the original one not the implementing rules ha, provides that the mayor has the authority to close roads, of course temporary in nature,” pahayag ni Peñaredondo.
Paathag pa sang konsehal nga luyag man niya makuha ang opinyon sang mga kaupod sa konseho nahanungod sa isyu sa tunga sang kritisismo nga ginahaboy sa alkalde sa iya nangin desisyon. Dala man diri ang pagpaathag sang legalidad sa nangin tikang sang alkalde.
“Gina-assail sang mga katapo sang media ang ginhimu sang alkalde. As a lawyer and majority floor leader, I have to spearhead the filing of ordinance. Of course we are aware of the deficiency of the mayor. He failed to talk to the members of the city council of his decision,” dugang pa sang konsehal.
Sa bahin naman ni Konsehal Plaridel Nava, ginpanindugan niya nga kon nagapati ang alkalde sa legalidad sang iya nangin desisyon, indi na kinahanglan ang ordinansa. Paathag niya nga indi sia gusto makigbahin sa ilegal nga tikang sang alkalde kag indi man dapat dalahigon diri ang konseho.
“Kon nagapati ang mayor nga may legal basis ang pag-issue niya sang EO, ngaa kinahanglan pa nga mapasar (sang ordinansa) kami diri? Ato ya afterthought na lang agud ma-bolster nga husto ang ginbuhat niya (Espinosa),” panindugan ni Nava.
Nagsiling naman si Konsehal Leizel Zulueta-Salazar nga indi sia magboto sa bagay nga wala sia nakahibalo.
Samtang nagpanugyan si Konsehal RLeone Gerochi nga magtipon sa isa ka sinapol ang SP, opisina sang alkalde kag mga kapitan agud hambalan kon ano lang ang pahanugotan sa plaza sa tagsa ka piyesta.
“Halin sang elementary ako nakita ko na da ang mga ferris wheel sa Jaro kada piyesta. Let us meet with the mayor and mga kapitan kag hambalan ta kon ano lang ang puede pahanugotan sa plaza kada piyesta,” pahayag ni Gerochi.
Kalakip naman sa nag-abstain sa ginduso nga ordinansa amo sanday mga konsehal Jay Treñas , Ely Estante kag Lady Julie Grace Baronda. Bangod sini, nagdesisyon na lang si Peñaredondo nga bawion ang iya ginduso nga ordinansa.
Sa nahibaluan, ginareklamo karon ang pagpahanugot ni Espinosa nga magamit ang dalan sa Jaro bilang venue sang Agro-Industrial and Charity Fair nga ginadumalahan sang Association of Barangay Captains sa Jaro./PB
[/av_textblock]
[/av_one_full]