[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Samulak nga mga politiko’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 30, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
ADLAW na nag-umpisa ang Dinagyang ati-ati tribes competition. Gikan sa gintalana nga alas 8:00 sang aga, nag-umpisa ini alas 9:23 na. Masobra isa ka oras ang delay sa kinaandan nga schedule sang pag-umpisa sang programa.
Suno sa mga insiders na-delay ang pag-umpisa sang programa kay na-late abot ang dungganon nga humalambal. Syempre indi man makapadagon-dagon sa ila ang syudad bangud indi ini batasan sang isa ka mainabi-abihon nga tawo.
Pero mas labi nga makaulogot tan-awon ang mga politiko nga mansig salida lang agud makapa-interview sa mga katapo sang media. Ginalapas ang protocol agud lamang makahingalit sa sitwasyon kag makakuha sang mileage. Ginbastos nila ang Dinagyang.
Ngaa nakasiling ako nga ginbastos nila ang Dinagyang?
Maathag nga wala sila nagkadto para magsaksi sang Dinagyang Festival. Nagkadto sila agud makakuha sang mileage sa ila handum sa politika sa masunod nga tuig. Maathag nga pagbastos sa relihiyoso nga kahiwatan.
Indi matakos ang pagpangabudlay sang Iloilo Dinagyang Foundation, Inc. (IDFI) kag pamunuan lokal sang syudad sang Iloilo pero ginsamulak lang sang mga masabad nga politiko. Tani makatuon man sila magrespeto sa tagasyudad sang Iloilo. Makatuon man sila magtahod sang protocol sang media interviews sa Iloilo Freedom Grandstand.
Ay huo gale, ngaa wala si Ilonggo senator Franklin Drilon? Sa nakaligad nga mga pagsaulog sang Dinagyang, sya ang masami nagapamulong-pulong pero subong ngaa wala sya? Ini bala bangud indi nya kaalyado ang nagapungko nga alkalde subong? Ukon ini bangud nga si Sen. Cynthia Villar ang nangin halangdon nga tagpamulong-pulong kag wala sya sang parte sa programa?
Kuntani bilang respeto sa inanak sang Iloilo nga dako ang nangin bahin sa pagsanyog sang syudad ginhatagan man lang sya sang nagakaigo nga pagkilala. Hay ang pulitika.
Balik kita sa mga masabad nga politiko. Si Gov. Imee Marcos kahibalo gid sang media kag public posturing. Di pa sash pa sya nga nagapakita sang pagpalangga nya sa Iloilo. Ang alampuan pa gid kay may dala sya nga iya kaugalingon nga headdress. Katanda gid sining Marcos ah.
Ang iya manghod nga si anay senador Bongbong Marcos amo man. Maabtik man magsakay sa kahiwatan.
Sulumpaan na gid ya ang mga politiko sa Pilipinas. Para sa ila kabulosgan sa poder handa mangin plastic kag magpahuyahuya. Tani may huyahuya man sila gamay ba. (jpranco1975@gmail.com/PN)
[/av_textblock]
[/av_one_full]
