[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’SEAMAN GINTIRO-PATAY’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Syudad sang ILOILO – Ginbawian sang kabuhi ang isa ka seaman matapos nga gintiro sang nagkinagamo nga mga kabataan sa gwa sang Divine Chapel sa Barangay Banica, Syudad sang Roxas alas-9:45 sang gab-i sang Miyerkoles.
Dead-on-arrival sa Health Centrum Hospital ang biktima nga si John Philip Duron y Rufo, 26, kag residente sang Brgy. Lakaron, Panit-an, Capiz, nga nakaagom sang mga pilas sa lawas.
Samtang nakagwa man dayon sa ospital ang miembro sang Barangay Peace Action Team (BPAT) nga si Rolando Rull y Serafin, 62, sang Brgy. Banica nga nasamaran naman sa wala nga tiil.
Base sa imbestigasyon sang Roxas City Police Station, yara sa sulod sang simbahan si Duron sang gulpiyada lamang nga nagluntad ang komosyon sa tunga sang mga minor de edad sa gwa nga nagresulta sang pagtapungolay nanday alyas Kim kag alyas Anthony.
Nagpatunga ang gwardiya sang simbahan para kontani nga sawayon ang duha ka minor de edad apang nag-abot si kapitan Victor Dolor y Bibal upod ang miembro sang BPAT sakay sa patrol.
Diri na kag nag-gwa si Duron sa simbahan kag nagtindog sa gate pero makaligad ang pila lang ka segundos, nagdalagan sia pasulod sang nakit-an ang patrol car kadungan sang paglinupok kag ulihi na lamang nakit-an ang biktima nga natumba na sa karsada.
Ginatudlo nga nagtiro sa biktima ang nagasuksok sang itom nga jacket kag dilargo, naka-sling bag kag 5’4 ang kataason nga minor.
Narekober naman sa ginluntaran sang insidente ang 12 ka fired cartridge cases sang .45 pistol kag duha ka slugs.
Sa karon, padayun pa ang imbestigasyon sang Roxas City Police Station sa nagluntad nga krimen./PB
[/av_textblock]
[/av_one_full]
