[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
ISA AKO sa mga nagtambong sa session sang city council sadtong tinalikdan nga semana. Ugaling kun kaisa kun indi masadya ang deliberasyon daw kanami man magpiyong-piyong sa media room.
Pero nakabugtaw ako sa masadya nga sabtanay nanday Majority Floor Leader Councilor Ed Peñaredondo sa sugilanon sang pagpasuso ukon breastfeeding. Indi na ako magsaysay pa sang detalye sang ila tagsa ka mga diskurso apang maathag nga ginhabuyan sugilanon ni Vice Mayor Jose Espinosa III si Peñaredondo nga ginsabat naman sang konsehal.
Nangin masadya ang deliberasyon ilabi na nga may insinuation sang sexuality. Bangud sang nangin akto sang duha, nakabaton sila sang kritisismo asta nga nangin personal na ang atake sa ila sa social media.
Bangud sini nagsabat man sila nga duha. Samtang maathag nga may paghinolsol si Peñaredondo, nagapanghinaw naman si Espinosa sa isyu.
Ining duha ka mga abogado kag politiko tama gid ka opposite. Si EdPen prangka magsabat, si Espinosa mahilig sa labutaw pero may ti-on man nga katahum sang ila punto sa diskusyon.
Wala ako sang personal sa ila. Siguro wala man to sang iban nga kahulugan sa ila. Kun bala sa Ingles, âIt was meant as a joke.â Lahog lang apang masakit nga lahog sa mga nagapasuso nga ginikanan.
Saludo gid ako kay EdPen. Sa iya sabat sa duha ka waragwagan kag telebisyon, maathag nga indi hungod sang senior councilor. Maathag man nga remorseful sya ukon may paghinolsol.
Sa iya interviews nagtulo ang luha sang anay maisog nga pulis. Siling niya wala sya sang intension nga bastuson ang mga nanay kay sya man may nanay kag lola nga labi nya nga ginapalangga.
Maduagon ang kabuhi ni EdPen bilang politiko gikan sa isa ka ordinaryo nga pulis, abogado kag head sang Parole and Probation Board. Ini nga klase sang politiko ang nagabungat sang tinaga nga wala sang hawid-hawid agud hatagan sang punto ang iya panindugan.
Pero luwas sina, sya ang tawo nga masiling ko full of wisdom. Puno sang kinaalam ugaling sa kadugayon na sa politika mahimo nga nalambot na niya ang putokputokan sang iya pagkapolitiko.
Sa matuod lang, tumalagsahon ang iya arte sa paggamit sang mga tinaga sa resoluyon kag ordinansa. Ginapili nya ang mga tinaga nga mas may dulot kag marka sa panghunahuna sang publiko.
Gusto ko mabati-an ang Peñaredondo sang una nga bataon pa sa politika. Maisog, engaging, kag may punto. Nahidlaw na kita sang banggianay sang opinion nga wala sang lamod personal interests.
Si Peñaredondo ang makabig nga imahen sang hanas nga politiko. Ugaling dapat siguro liwat magbalik sa iya daan nga postora nga masadya magdiskurso sa plenary./PN
[/av_textblock]
[/av_one_full]
