[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sikyu gintiro sang kagawad?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Thursday, May 18, 2017
[/av_textblock]
[av_textblock size=” font_color=” color=”]
Syudad sang ILOILO – Ospital ang gintup-an sang sikyu sang pawnshop nga ginapahayag gintiro sa Barangay Poblacion, San Rafael, Iloilo alas-11 sang aga kahapon.
Gindala sa Barotac Viejo District Hospital si Ronelo Santiales sang Sitio Batuan, Brgy. San Lucas, Barotac Viejo, Iloilo kag assign sa Palawan Pawnshop sa Poblacion San Rafael. Nakaagom ini sang pilas sa dughan.
Sa inisyal nga report sang San Rafael PNP, ginsaway sang sikyu si barangay kagawad Romeo Ruto nga indi magpanigarilyo sa atubang sang pawnshop apang naakig ang naulihi.
Duang pa sang kapulisan nga nagpauli si Ruto sa ila balay pero makaligad ang pila ka minutos, nagbalik ini nga tuman ka akig upod ang balaye sini nga si kagawad Rolando Ganzon sang Brgy. San Florentino, San Rafael.
Gina-alegar nga gintuyo nga kuhaon sang magbalaye ang service firearm sang sikyu pero nagpamatok ini rason nga naglupok ang armas kag naigu ini sa dughan.
Natalupangdan man sang ulihi nga naigu man si Ganzon sa agtang rason nga gindala man sa ospital.
Natukiban pa sang kapulisan nga may daan na nga hiligut-anon ang magtimbang nga bahin nga isa sa mga ginatan-aw nga motibo sang kapulisan sa natabo.
Samtang ginasulat naman ining balita, padayun pa ang pag-imbestigar sang San Rafael PNP sa nagluntad nga krimen./PB
[/av_textblock]
[/av_one_full]
