[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sin-o ayhan?’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Thursday, March 1, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
INDI lang mahibaluan, election na naman. Kun wala sang matabu nga diniktador, matabu ang election sa 2019 kag Oktobre 2018 naman ang filing sang certificate of candidacy (COC).
Ang pito ka bulan antes ang filing sang COC tuman na ka lapit. Indi mo lang matalupangdan Oktobre na. Pero tubtob subong wala pa sang maathag nga linyahanay sa syudad sang Iloilo.
Kun sundon natun ang kinaandan, si incumbent mayor Jose Espinosa III ang magakandidato sa pagkaalkalde sa  syudad sang Iloilo. Ini bangud bilang nagapungko subong hatagan sya sang prioridad sang iya mga kaalyado.
May mga sugilanon man nga mabalik na lang sa pagkaalakalde si Cong. Jerry Treñas sa syudad sang Iloilo. Ini nga posisyon iya gin-uyatan sang tatlo ka terms.
Pero anay ka, nagpahayag na sang una pa si Treñas nga mapahuway na sya sa pulitika bangud sang problema sa iya ikaayong lawas. Ugaling may mga estorya karon nga indi kampante ang kongresista nga madaug ang iya bilas nga si Mayor Joe III. Huringhuring nga indi kuno makasaho kay Mayor Joe III ang mga negosyante nga Chinese.  Gani agud indi maagaw sang iban ang renda sang syudad, balik na lang kuno si Treñas sa pagkaalkalde.
Indi man natun matuod mahimutig nga interesado pa ang mga Gonzalez magbalik sa politika sa syudad. Siling sang ila mga supporters, may Gonzalez nga magapadalagan sa pagkaalkalde sa 2019. Sin-o ayhan sya? Bisan kapila na magtumpilak sa politika sang syudad liwat nga magatilaw bangud panan-awan nila mahuyang nga kandidato si Mayor Joe III.
Si Councilor Joshua Alim nagapalabtik man estorya nga magapadalagan sa pagkaalkalde sa syudad. Kun basehan ang history, si Alim bisan wala suporta sang partido handa sya magkandidato. Pero subong base bala suportahan sya ni Senate President Aquilino Pimentel III sang PDP-Laban. Kun indi ko magsala, sang nagligad nga election bisan si anay Vice President Jejomar Binay ang ila ginsakdag pero wala nila ginbugras ang kaangtanan sa PDP-Laban.
Magluwas sining mga tawo may iban pa nga ngalan kaangay sang negosyante nga si Ramon Cua-Locsin nga paborito kuno sang mga negosyante. Pero si Locsin na mismo ang nagsiling nga wala sya plano.
May isa pa nga nagapalutaw man sa Facebook. Pero indi na natun pagmitlangon ang iya ngalan kay daw kutaw-kutaw man lang ni ang iya personalidad.
Sa ila tanan ara ang bentaha kay Mayor Joe III kay sya ang nagapungko sa city hall. Ang tanan nga propedad sang gobyerno pwede nya maggamit sa iya kandidatura. Pero subong daw wala ta pa man ina na kita.
Si mayor wala man nagapamulitika sang timprano. Pero sa pagkahibalo ko madugay na niya nga programa ang pagpanagtag sang wheelchairs kag crutches sa mga may disability sa pagpanglakat. Dyutay pa nga duso sa PR ni Mayor Joe. Kay kun sa iya koneksyon sa tawo daw medyo kulang pa sa panan-awan sang iban. Sa personal nga bagay, mabatyagan man ang pagkasimple niya nga tawo. Kun mag-estorya wala sang angas kag direkta wala sang ginatago. Masinadyahon, daw wala ka sang makita nga pagkaburingot sa iya. Kabay pa nga ini ma-translate iya sa suporta sang mga tawo nga wala pa nakakilala sa iya.
Sin-o ayhan? Kabay pa nga ang magadaug makapadayun sang kauswagan sang syudad! (jpranco1975@gmail.com/PN)
[/av_textblock]
[/av_one_full]
