[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sementado nga disyerto ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Thursday, March 1, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
NAGAPASULOD na kita sa panahon sang tag-init. Masyado na ka paang sang palibot kag kon kaisa nagabagusbos na ang huyop sang hangin.
Madamo sang mga bahin sang dalan nga aton malabayan nga sementado apang nagatap-ok ang mga yab-ok. Nagatumpok ang duta sa panghigaron nga kon malinas sang salakyan nagalupad, nagapoog kag nagahatag sang huol sa mga tawo sa palibot kag mismo sa mga pasahero sang salakyan.
Kinaandan man nga magayab-ukon ang dalan ilabi na kon ginakay-o. Umpisa sa pagtaltal sang semento, sa pagkali, sa paghakot kag sa pagbasyada sang gintimpla nga semento, nagatublag sa mga nagalabay ang nagalinupad nga yab-ok. Kag ang ini nga hitabu ang mahangpan sang mga pumuluyo.
Mismo sila nga yara sa palibot ang nagabasya sang tubig agud nga bisan paano mahagan-hagan ang pagdagya sang mga yab-ok kag agud sila ang maamligan man sa malain nga madulot sini sa ila ikaayong-lawas.
Apang, may mga bahin sang dalan sa coastal road gikan sa Ticud, La Paz tubtub sa Bitoon, Jaro nga ang dalan sementado apang ang mga naga-okupar sang mga lote sa panghigaron ang indi pa sementado ang ila ugsaran nga bisan naga-init na apang sige pa ang linas nila sang lutak.
Ang mga lutak nga nagatapik sa mga ruweda sang ila mga dalagku nga trak gikan sa mga yarda sang container vans ang nagakawigit sa dalan, ginapudpod sang mga nagataris nga mga salakyan kag sa indi madugayan ini ang nagalupad, mga yab-ok nga makatulublag.
Kaangay sa mga ginareklamo sa pila ka banwa nga ang ila dalan tuman ka yab-ukon, kuntani hatagan man sang atensyon sang mga tag-iya sang yarda sang container vans ang ginawigit nga lutak sang ila mga malagba nga salakyan ukon trailer truck.
Makaluluoy lang ang sementado nga dalan nga posible maguba sa indi mapaktan nga panahon bangud lunsay mabug-at, kargado kag magatay-og ang dalan nga sementado kon ila nga labayan kag ang tay-og ang mabatyagan pa sang mga nagapuyo malapit sa karsada.
Nagasulog na sa tingadlaw, ang init nagapakuriit, ang yab-ok makatuga sang halit kag kuntani ang tion nga malimpyuhan ang dalan kwaon sa sini nga kahigayunan.
Mahimo nga limpyuhan sa tion sang aga ukon sang hapon nga nagabugnaw na ang panahon agud nga indi masyado maglupad ang yab-ok. Bangud nga kon mainit na ang huyop sang hangin, ang yab-ok ang indi na masweto kag mabudlay na nga magpanglimpyo.
Kuntani ang mga trak magpanglimpyo man sang ila salakyan, kakason ang lutak antes magwa sa dalan agud nga wala sang may mawigit kag wala sang yab-ok nga matuga.
Tion naman nga limpyuhan ang mga kanal nga barado na sang mga lutak ukon mismo mga bato kag balas agud nga mangin handa sa pagsulod sang masunod nga tingulan. Mas maayo nga mahatagan na sang atensyon samtang may panahon kag mas makahulag ang tanan kag sa pagpanglimpyo indi na mabudlayan.
Ginatandog naton ini nga topiko agud nga makalab-ot man sa natungdan nga ahensya sang gobyerno.
Ginatugyan naton sa gobyerno ang pag-akto sa sementado nga disyerto. (bertladera_rmn@yahoo.com/PN)
[/av_textblock]
[/av_one_full]
