[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Skimming device narekober sa ATM booth’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Thursday, June 8, 2017
[/av_textblock]
[av_textblock size=” font_color=” color=”]
Syudad sang ILOILO – Nag-atake na naman ang grupo nga nagapangbutang sang skimming device sa ATM booth sa sining syudad pero maswerte lang nga narekober ining device sa isa ka ATM booth sa Dalan General Luna, City Proper alas-8:40 sang Martes sang gab-i.
Ang grupo ni Raul Samillano nga naga-obra bilang assistant operations kag admin officer sang New Mabuhay International Security Agency Corporation ang nakadiskubre sang skimming device sa ATM booth sang Banco De Oro (BDO).
Sunu kay Samillano nga naga-inspeksyon sila sa mga ATM booths sadto nga tion. Naghulat man ang grupo sini sang masobra 30 minutos para magbantay kon may mag-operate sang skimming device apang wala sang nagbalik rason nga ginkuha na lang nila ini.
Labing una naman ini nga skimming device nga narekober sang grupo ni Samillano kag para mabal-an kon may nakopya ang device nga mga account sang mga nag-withdraw sa nasambit nga ATM booth, ipadala nila ang chip sa ila central office para masekyar.
Angut sini, ang Iloilo City Police Office (ICPO) nagkasar sang imbestigasyon para matul-id kon sin-o nga persona ang nagtakod sang skimming device.
Sunu kay Senior Inspector Shella Mae Acanto Sangrines, rebyuhon sang ICPO ang kuha sang CCTV camera sang BDO para mabal-an kon sin-o ang nagtakod sang skimming device.
“I-review ang CCTV camera sang BDO para matul-id naton kon sin-o nagplastar kag nagbutang sang skimming device sa ATM booth. Indi puede nga maghulat lang kami kag subong ang aton imbestigador naga-follow-up sining kaso para mabal-an kon sin-o ni nga grupo. Ano bala ini tumandok ukon pangayaw nga capable magplastar sang skimming device kag maka-biktima sang aton mga pumoluyo,” hambal ni Sangrines.
Nagpanawagan man sia sa publiko nga mangin alerto sa kaangay sini nga modus operandi kag mag-report dayon sa mga pulis kon may nabal-an nga impormasyon parte diri./PB
[/av_textblock]
[/av_one_full]
