[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ ‘Hinablos’ ni Prevendido nakapalagyo sa buy-bust ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Thursday, June 8, 2017
[/av_textblock]
[av_textblock size=” font_color=” color=”]
Syudad sang ILOILO – Nakapalagyo ang subject sa buy-bust operation sang Police Precinct 1 (PP1) paagi sa pagsakay sa taxi sa Dalan Ledesma, City Proper pasado ala-una sang hapon kahapon.
Base sa narekober nga dokumento sa Toyota Wigo nga salakyan sang subject, ginkilala ini kay Joseph Jasper Duran sang Barangay Divinagracia, La Paz. Pero sunu sa kapulisan, naga-gamit man ini sang ngalan nga Jovit Prevendido kag nagapakilala nga hinablos sang ginapasuni drug group leader nga si Richard Prevendido alyas Buang sang Brgy. Bakhaw, Mandurriao.
Sunu kay Chief Inspector Aldren Lamera, hepe sang PP1, nagkasar sila sang buy-bust sa Brgy. Tanza Bonifacio, City Proper pero nakamutik si Duran nga pulis ang iya naka-transaksyon rason nga nagpalagyo.
Gintiro sang mga pulis ang salakyan sini rason nga na-flat ang rueda pag-abot sa Dalan Ledesma pero nakasakay sia dayon upod ang isa ka babae sa taxi para malagyo.
Narekober sang PP1 ang salakyan sini sa Dalan Ledesma malapit sa gasolinahan subongman ang mga dokumento kag drug paraphernalia.
“Actually, buy-bust operation ni sia. Ang subject naton si Jovit Prevendido, bale nag-transaction didto sa Brgy. Tanza ugaling nakapuslit amo to nga ginlagas sang tropa, amo to nga gin-neutralize ang salakyan pero nakapuslit sila kay may babae sia nga upod. Nakasakay sila sa taxi,” eksplikar ni Lamera sa interbyu sang mga katapo sang media.
Siling pa sang hepe nga madugay naman nila nga gina-subject sa operasyon ang suspetsado pero madanlog.
Nakabaton man sang impormasyon si Lamera nga masami nga nagadala sang dalagku nga volume sang shabu ang suspetsado./PB
[/av_textblock]
[/av_one_full]
