[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Subong nga Paskwa kag bag-ong tuig Pagpalusot droga sa mga puerto ginabantayan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Indi lang seguridad sang mga pasahero ang bantayan sang mga katapo sang Philippine Coast Guard (PCG) kundi pati na ang posible pagpalusot sang ilegal nga droga kag drug paraphernalia subong nga holiday season.
Sa interbyu sang Panay Balita kay Lt. Commander Ramil Palabrica sang PCG-Iloilo, nagpapanaog sang direktiba ang ila national headquarters nga bantayan sang hugot ang tanan nga mga puerto kag terminal sa Iloilo kag bilog nga rehiyon 6 para masiguro ang seguridad sang mga pasahero kag labi sa tanan mabantayan man ang posible pagpalusot sang ilegal nga droga.
“’Yong higher head quarters naming nag-isyu ng directive sa lahat ng coast guard units na mangin alert on all ports and terminals nationwide,” siling ni Palabrica.
Bangod sini, mas gin-istriktohan sang PCG-Iloilo ang ginahimu nga inspeksyon sa mga bagahe kag iban pa nga dala sang mga pasahero nga nagadagsa sa mga puerto kag terminal umpisa subong nga adlaw tubtob nga matapos ang pagselebrar sang Paskwa kag pagsug-alaw sa bag-og tuig.
“Pina-intensify namin ang inspection sa lahat ng mga pasahero to ensure maximum monitoring and security in ports dito sa region 6 or diri sa Iloilo to attain convenience, and security ng mga passenger and to keep eye on trade or transports of illegal drugs and paraphernalia’s,” dugang ni Palabrica.
Mapalibot man sang mga K-9 units ang PCG-Iloilo sa mga puerto kag terminal para mabuligan ang ila mga personnel sa pagsekyar sang mga bagahe sang mga pasahero.
May ginpahamtang naman nga mga passenger assistance centers ang PCG kaupod ang Maritime Industry Authority, Philippine Ports Authority, Department of Transportation, Philippine National Police, Armed Forces of the Philippine, kag iban pa nga mga ahensya sang gobyerno para may dangpan ang mga pasahero nga may reklamo.
Matandaan nga sang Disyembre 18, ginlunsar sang PCG-Iloilo ang Oplan Biyaheng Ayos 2017 nga magadangat tubtob Enero 8, 2018 para masiguro nga indi magdinaguso ang mga pasahero nga mga Puerto kag terminal sa adlaw sang Paskwa kag bag-ong tuig./PB
[/av_textblock]
[/av_one_full]