[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Suspek sa pagpatay sa babaye sa Tigbauan, tiklo’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Tuesday, July 4, 2017
[/av_textblock]
[av_textblock size=” font_color=” color=”]
Syudad sang ILOILO – Nadakpan na ang suspek sa pagbunu-patay sa 63-anyos nga tigulang nga babae sa Barangay Parara Sur, Tigbauan, Iloilo.
Si Ronilo Camiña ang ginpadulongan sang gintingob nga puersa sang Guimbal kag Tigbauan PNP sa ila balay sa Brgy. Balud, Guimbal, Iloilo kahapon sang hapon.
Sandig sa report sang Tigbauan PNP, positibo nga ginkilala ang suspek ni Mary Joy Cabuguas, 24, hinablos apang ginakabig na nga bata sang napatay nga si Baldomera Duga.
Sunu kay Cabuguas nga nag-anggid ang diskripsyon sang suspek sa nakita nga dagway sang testigo nga nagapungko sa tiangge nila nga magtiya antes nagluntad ang krimen.
“Yes, identical gid kay bisan pagdakop sa iya layo pa lang sia, sir, nagahambal na si misis nga sia gid ya. Layo pa lang sia kilala na sia ni misis kay sang time nga natabo ang krimen, nakita gid iya itsura,” hambal ni Private First Class Aleson Cabuguas, bana ni Mary Joy, sa interbyu sang Aksyon Radyo Iloilo.
Nakabulig man ang sweat shirt nga nabilin sang suspek sa balay nanday Cabuguas sa pagsolbar sa krimen.
Samtang, sa interbyu kay Camiña, ginsiling sini nga nakibot sia nga ginpadulongan sia sang mga pulis sa ila balay kag ginposasan. Ginpanginwala man niya nga nagkadto sia sa Brgy. Parara Sur, Tigbauan.
“Wara gid ako ya sang ginhimu. Sang Sabado sang gab-i, didto ako sa balay. Pamangkota pamilya ko kon naga-ano kay wara ako nagalagaw. Asta mag-aga wala ako nagalagaw,” panindugan ni Camiña.
Gin-aku man sini nga nakatrabaho sia sa isa ka construction company sa distrito sang Molo nga nagasantu sa pangalan sang sweat shirt nga narekober sa balay sang mga biktima.
Nagdepensa man ang suspek sa nakit-an nga bagras sa iya kamot sa paghambal nga nasamad lang ini sang nag-rebound sang bola samtang nagahampang sia sang basketball.
Matandaan nga Domingo sang kaagahon sang ginsulod sang suspek ang balay sang magtiya sa tuyo nga magpangawat.
Pero dimalas nga nakabugtaw ang magtiya rason napilitan ang suspek nga lamposan sang matig-a nga bagay ang tiya kag ginpasundan sang bunu.
Sang nakit-an naman ni Mary Joy ang natabo, nagbatu man ini sa suspek pero ginbunu man sia rason nga nakibyasan sia sa tuhod.
Nakapanago pa sa sulod sang banyo si Mary Joy kaupod ang iya apat ka bulan nga bata kag nakasinggit sang bulig.
Sa kahadlok sang suspek nga madakpan, nagbiya ini sa balay sang magtiya bitbit ang P120 nga kwarta./PB
[/av_textblock]
[/av_one_full]
