[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sustento, 3 ka iban pa gin-dismiss sang Ombudsman ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginkakibot sang madamo ang pag-dismiss sang Office of the Ombudsman sa pinakama-abilidad kag madamo sang awards nga hepe sang Ajuy Municipal Police Station (MPS) sa probinsya sang Iloilo nga si Chief Insp. Charlie Sustento.
Sa ginpagwa nga desisyon sang Ombudsman nga pirmado ni Emmanuel Ringpis Jr., graft investigation kag prosecutor officer II, gin-dismiss sanday Sustento, PO3 Ramon Baylon, Jr., PO2 Joebert Detorio, kag PO1 John Dimzon, tanan nadesignar sadto sa Dumangas MPS bangod sang mga kaso nga grave misconduct, conduct unbecoming of a police officer, gross incompetence, paglapas sa RA 6713, kag abuse of authority nga ginpasaka kontra sa ila nanday Richard Samontosa kag Janice Braga sang Dumangas, Iloilo.
“Wherefore, PSI Charlie Sustento, Jr. PO3 Ramon Baylon, Jr., PO2 Joebert Detorio, and PO1 John Dimzon, are hereby found guilty of grave misconduct and conduct unbecoming of a Police Officer and meted the penalty of DISMISSAL from the service, with the accessory penalties of cancelation of eligibility, forfeiture of retirement benefits, perpetual disqualification from holding office and bar from taking civil service examinations,” kabahin sang desisyon sang Ombudsman.
Nag-ugat ang mga kaso ni Sustento kag sang tatlo ka iban pa nga mga pulis samtang nagapungko ang nauna nga hepe sang Dumangas MPS.
Gin-alegar ni Samontosa nga sadtong Nobyimbre 24, 2014, alas-otso sang gab-i, ang tatlo ka mga pulis luwas kay Sustento ang nag-imbitar sa iya nga magpadulong sa presinto bangod sang gina-alegar pagpangawat sang motorsiklo.
Matapos nga nagpamalibad si Samontosa, nag-abot si Sustento kag ginsinggitan sia kag ginbutong pagwa sa gate.
Sang nagpangayo sia sang bulig, sunu kay Samontosa nga isa sa iya mga kaupdanan ang nagkuha sang laragway angut sa insidente nga ginapasuni ginka-akig ni Sustento nga nagsaka sa gate kag ginli-ab sia kag ginsumbag sa nawong.
Dugang pa niya nga nagkadto man lang sia sa istasyon sang Dumangas MPS sang nakabaton sang imbitasyon para sa imbestigasyon kag matapos ini, ginpapirma sia ni Sustento sang affidavit of non-interest.
Sa bahin ni Braga, ginsuportahan sini ang alegasyon ni Samontosa kag ginhambal nga gintayaan pa sia sang hepe sang pusil kag gintuyo nga pitkon ang gatilyo sini apang maswerte nga wala naglupok.
Sa pihak nga bahin, nagdepensa naman sanday Sustento sa paghambal sa ila affidavit nga wala sila nagsulod sa compound sang mga tagreklamo bangod nga sirado kag may ginlakip man sila nga laragway nga makapamatuod sini.
Kag sadtong Mayo 4, 2015 kag Abril 29, 2015, liwat nga nagsumiter sang ila position paper ang mga tagreklamo kag ginpanindugan ang ila reklamo tubtob nga nagpagwa sang desisyon ang Ombudsman sini lang nga Hunyo 28, 2017 nga i-dismiss sa serbisyo si Sustento kag tatlo pa ka mga pulis.
Ginmandoan sang Ombudsman ang Department of Interior and Local Government nga ipatuman ang desisyon.
Kag sang nagligad nga Huwebes, gin-aku ni Sustento nga nabaton na niya ang desisyon sang Ombudsman rason nga nakibot gid sia.
Nagpasalig man ini nga mangita sang pamaagi para maka-apelar sa korte./PB
[/av_textblock]
[/av_one_full]
