[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’SUSTENTO GINSERBEHAN DISMISAL ORDER ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginserbe na sang Iloilo Police Provincial Office (IPPO) ang dismissal order ni Chief Inspector Charlie Sustento, hepe sang Ajuy PNP, kag sang tatlo ka iban pa nga mga pulis.
Matandaan nga si Sustento kaupod sanday PO1 John Dimson, PO2 Joebert Detorio kag PO3 Ramon Baylon, Jr. ang ginpamatbatan nga guilty sa kaso nga grave misconduct kag conduct unbecoming of a police officer nga ginpasaka kontra sa ila nanday Janice Braga kag Richard Samontosa sang Dumangas, Iloilo.
Ginkumpirmar ni Senior Supt. Marlon Tayaba, acting provincial director sang IPPO, sa mga katapo sang media nga ginmandoan na niya si Supt. Elmer Armada, administrative officer sang IPPO, nga i-serbe sadtong Huwebes ang dismissal order nanday Sustento nga ginpagwa sang Office of the Ombudsman. Ginserbe man yadto ni Armada sa Ajuy PNP pero wala didto si Sustento.
Kadungan man sang pagserbe sang dismissal order, gindesignar ni Tayaba bilang officer-in-charge sang Ajuy PNP ang nagapungko nga deputy diri nga si SPO4 Efren Toreres.
Nahibaluan nga luwas sa pagkakas sa puesto, ginbawian man sanday Sustento sang eligibility, gin-forfeit ang retirement benefits kag perpetual disqualification sa bisan ano nga public office.
Madumdoman nga una nga nabaton ni Sustento ang desisyon sang Ombudsman sadtong ulihi nga bahin sang Agusto 2017. Ang walo ka pahina nga desisyon ang pirmado ni Graft Investigation kag Prosecution Officer II Emmanuel Ringpis Jr. nga napetsahan Hunyo 28, 2017. Pero nagpabilin sia nga hepe sang Ajuy PNP bangod nga nag-apelar sila kag nag-file para sa issuance sang motion for reconsideration.
Nagsugod ining pagpasaka sang kaso nanday Braga kag Samontosa kontra sa grupo ni Sustento sang hepe pa sia sang Dumangas PNP sadtong 2014. Gina-alegar nga nagpamilit ang mga ini nga magsulod sa compound nanday Braga para mag-imbestigar sa kaso sang motornapping nga nagresulta sa gina-alegar pagli-ab sang pulis sa mga tagreklamo.
Samtang, ginapaabot nga sa Lunes iga-turnover na nanday Sustento, Baylon, Detorio, kag Baylon ang ila mga service firearms kag badges.
Si Sustento isa ka multi-awarded police officer sang IPPO kag sunu kay Tayaba daku sia nga kawad-an sa ila hanay.
Sang nagligad lang nga Agusto 14, ginpasidunggan si Sustento ni PNP Director General Ronald Dela Rosa bilang “Best Junior Police Commission Officer for Operations.”
Sa idalom man sang pagpamuno ni Sustento, nanguna ang Ajuy PNP sa 2017 first quarter performance evaluation sang IPPO subongman ginhingadlan nga “best in law enforcement operation” kontra sa loose firearms humalin Enero tubtob Marso sini nga tuig./PB
[/av_textblock]
[/av_one_full]