[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Tag-iya sang karaoke bar gintiro sang pulis ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang tag-iya sang karaoke bar samtang pilason naman ang timbang sini matapos nga ginpangtiro sila sang ginapasuni hubog nga pulis sa Barangay Lo-ong, Concepcion, Iloilo alas-10:30 sang gab-i sadtong Biyernes.
Dead-on-arrival sa Sara District Hospital ang tag-iya sang karaoke bar nga si John Namod, 44, bangod sang patal nga pilas sa ulo.
Padayun naman nga ginabulong sa Western Visayas Medical Center si Lindy Franco, 52, nga may pilas sa wala nga tiil.
Base sa imbestigasyon sang Concepcion Municipal Police Station (MPS), nagpadulong sa karaoke bar ang suspetsado nga si Police Officer 1 JV Longno sang Regional Public Safety Battalion upod ang iya mga abyan nga babae para mag-inom-inom.
Sa tunga-tunga sang pag-ininom, may komosyon nga nagluntad matapos nga ginhambalan ni Franco si Longno nga mag-untat na sa pag-inom bangod nga curfew na.
Naakig ang pulis rason sang mainit nga diskusyon sa tunga nila ni Franco nga nagtulod naman para magpatunga si Namod.
Pero imbes nga magpati, ginapahayag nga nag-gabot sang iya service firearm nga .9mm pistol si Longno kag gintiro una si Franco kag ginsunod si Namod.
Madasig man dayon nga nagpalagyo ang suspek apang takna ala-una sang kaagahon sang Sabado, nagsungka ini kay Inspector Rico Sta. Ana.
Samtang ginasulat ini nga balita, si Longno nahunong na sa karsel sang Concepcion MPS kag nagapangatubang sang mga kaso nga murder kag frustrated murder./PB
[/av_textblock]
[/av_one_full]
