[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
NI JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Tuesday, November 21, 2017
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
GOVERNMENT takeover…Ini ang mainit nga tinaga subong samtang ginaduso ni City Councilor Joshua Alim ang kawsa kontra sa Panay Electric Company (PECO). Suno sa konsehal, indi na pag-i-renew ang franchise sang PECO kag gilayun nga mag-take over ang gobyerno. Siling naman sang iban nga nagapamatok, indi lang amo sina kahapos.
Tuman kasibod ang industriya sang kuryente. Matuod may monopoliya kag may pag-abuso gid man ang mga power distributors. Ini bangud nga mabudlay para sa gobyerno nga pauntaton ang ila ope rasyon bangud ang kuryente kinahanglanon sa kabuhi naton.
Ang pagpatikang sang serbisyo sa kuryente indi man mahapos. Dako ang kita kun naka-establish na ang kumpaniya bangud tanan nga gasto ginabawi sa konsumidor.
Sa karon nga mainit ang debate sa pagpamatok sa franchise renewal sang PECO, ang sin-o man nga magkontra diri sigurado nga makalolooy sa mulay sang publiko kag media. Pero dali lang, napahangop bala sa mga konsumidor ang bentaha kag mga disbentaha kun indi ma-renew ang franchise sang PECO?
Ang pagpirma bala sang mga konsumidor isa ka-informed choice? Ang buot ko silingon, nakahanghop bala sila sang ila ginapirmahan nga petisyon kontra sa PECO ukon nagasunod lang sila sa bandwagon effect nga ginatawag? Napresentar bala sa ila sang balance ang sitwasyon? Ukon ang pabor lang sa kawsa ang ginahungit sa ila?
Ngaa mahipos ang mga negosyante sa syudad? Ngaa wala sila nagasuporta sa kawsa nga balabagan ang franchise renewal sang PECO? Kunsabagay subong ang madamo abi reklamo ara sa residential, indi man sa commercial. Mas madamo ang nagareklamo sang overbilling kag kaarogante sang PECO sa residential kumpara sa commercial.
Tubtob subong nagahulat pa ako sang proposal kun ano ang matabo matapos ang takeover? Kun i-take over sang gobyerno ang PECO ano bala ang proseso? Ano ang scheme nga matabu?
Indi man nga nahikay kita sa gobyerno. Kag labaw sa tanan wala kita nahikay kay President Duterte. Ini nga isyu indi tungod kay Duterte gani wala sang rason nga dal-on ang iya ngalan sa debate.
Bal-an ta naman nga tanan nagakurog kay Duterte amo na nga ginakapital sang iban. Balik sa isyu sang takeover…ano ang matabo matapos ang takeover? Ano bala ang proseso nga himuon? Kabudlay magkumbinser kay man wala sang option nga ginatanyag. Kag dapat kun may option makabig ini nga “better option” sang sa status quo.
Lingin naman ulo ta sini. Sandig lang kita sa sentim ent nga wala sang mabakod nga argumento.
Maayo lang nga pagbasa kay Toto Hector Espinosa sang Tatoy’s Manokan and Seafoods! (jpranco1975@gmail.com)/PN
[/av_textblock]
[/av_one_full]
