‘Tampi boys’ nangin madinalag-on!

NGAA daw maulbo gid ang iwi sang sang iban sang nakita ang mga kabataan nga nagatampi lang sang tuwalya nga naga-order sa isa ka fastfood sa syudad sang Iloilo?

Naga-over react lang ayhan ang publiko ukon tama gid man ka tadlong ang ila pangabuhi?

Ang nag-viral sa social media nga kabataan nga nagatampi lang sang tuwalya sa sulod sang McDonalds kabahin lang sang ila social experiment. Ini man ang nagtulod kay Mayor Jerry Treñas nga magpadala sa management sang eskwelahan kag sang fastfood restaurant.

Ang reaksyon sang tanan nagapamatuod nga madinalag-on ang social experiment sang kabataan?

Sa matuod lang tanan kita nangin subject sang social experiment sang mga kabataan. Kun ano man ang atun reaction, ina kabahin sang ila pagatun-an.

Bangud sini indi kamo magnagay sang ugtas. Sobra sobra man ang inyo pangakig nga pamatyagan ninyo daw mga malain na gid ang kabataan kag ila eskwelahan.

Amo na gani nga nagpakita sila sang batasan nga tuhay sa kinaandan bangud gusto nila matan-aw kun ano ang atun mangin reaction.

Gani indi kita magpatama sang ugtas kay gwa ninyo daw kaladlawan.

Social experiment gani. Kag kinaandan ang social experiment nagahimo sang mga extreme nga mga bagay nga wala ginahimo sa kinandan lang nga sitwasyon.

Ang problema sa atun kay madasig kita magpatinlo-tinlo. Pero bisan sa likod lang kurtina, sungayan man ang bulohaton ta.

Matuod may ara sang kakulangan siguro ang mga kabataan ukon ang ila eskwelahan. Kay sa kadamuon sang isyu ngaa ini gid ang ila ginhimuan sang social experiment. Ugaling kun simple lang nga mga isyu nga indi makatandog sa atensyon sang tawo, indi man sila mag-react.

Bangud sang inyo mga reaction, makabig nga madinalag-on ang social experiment sang kabataan.  Manami man nga rection ukon malain, kabahin ini tanan sang ila isulat sa ila papel nga pagtulon-an.

Panginbulahan sa atun tanan, nakabulig kita sa kabataan nga mangin madilag-on ang ila social experiment! ([email protected]/PN)

LEAVE A REPLY

Please enter your comment!
Please enter your name here