[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
TIMPRANO pa apang nagpakita na sang pwersa si 4th District congressman Ferjenel Biron. Ginpatawag ang mga alkalde sa bug-os nga probinsya. Makakilibot kay ang anay mga kasumpong sa pulitika, nakita ang ila presensya. Buot silingon, Biron na sila.
Pero anay ka, paano naman ang anak ni Gob. Art Defensor Sr. nga si 3rd District congressman Arthur “Toto” Defensor Jr.? ‘Di bala sia ang gina-groom sang gobernador nga magabulos sa iya sa renda sang probinsya? Pamatuod sini ang pagkuha sang consensus sang mga alkalde kun sin-o kanday Biron kag Toto Defensor ang suportahan nila nga mangin gobernador sang probinsya. Didto nahibaluan nga daw si Biron ang suportahan nila.Ugaling sa mga pronouncements sang gobernador indi niya pagtahuron ang consensus kay indi pa man yadto final kuno. Ti, daw maathag nga nagsunggod si Biron.
Kun si Gob. Art lang gihapoon, wala sang question. Bisan sin-o pa ang magbunggo sa iya sa pagkagobernador sigurado nga wala padaug. Kilala ang gobernador nga may political will kag integridad sa iya pagserbisyo. Bisan si Biron pa wala mahimo kay Gob. Art.
Ugaling tuhay na ang matabu sa 2019. Indi na magpadalagan ang gobernador, amo nga ang iya anak na ang gina-groom. Pero sa panan-awan ko, bisan suportado pa sang mayoriya nga alkalde si Cong. Toto, wala sia padaug kay Biron. Maluwas lang kun pareho man ka dako ang ila tabungos sa mga Biron.
Ang away sa 2019 elections indi lang ikasangkol kundi kwarta man. Kun ikasangkol lang ang basehan, pareho man sanday Cong. Toto kag Cong. Biron nga may kapasidad. Abogado si Cong. Toto samtang doktor naman si Cong. Biron. Kun integridad ang hambalan, pareho man nga wala sang dagta ang ila ngalan. Pero sa kadakuon sang tabungos kag tambubo, may diperensya gid.
Ang mga Biron kilala nga galante sa ti-on sang election. Amo man na gani nga sang 2016 elections daug iya tanan nga mayors pero ang kaalyado ni Gob. Art pirde ang iban kay wala kuno pang-last minute nga bonggahanay. Pamatuod diri si defeated mayor Ramona Go sang San Enrique kag defeated Mayor Rolly Distura sang Dumangas. Man silin sang iban wala kuno ginhatagan budget para sa pang-last minute.
Subong pa lang nagapabatyag na si Biron sang iya pwersa. Bisan gani ang anak sang kaalyado gid ni Gob. Art nga si Mayor Mike Gorriceta sang Pavia ara man sa sinapol. Ang mga Garins may mga bargaining na. Timprano pa apang may consolidation of power na si Biron.
Subong hipos pa ang mga Defensor. Kun tan-awon ang sitwasyon, pabor ang dapya sang balod subong kay Biron. May matabu ayhan nga alyansa ukon magabungguanay gid sila?
Bantayan ang masadya nga politika sa probinsya./PN
[/av_textblock]
[/av_one_full]
