[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Tiyo gintiro sang hinablos bangod sa eleksyon ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Napatay ang tiyo matapos nga gintiro sang iya hinablos nga barangay kagawad sa Barangay Dungon, Concepcion, Iloilo alas-6:15 sang Martes sang gab-i.
Ang biktima nga si Ricardo Brillantes, 57, nakaagom sang patal nga pilas sa wala nga dughan kag ginbawian sang kabuhi samtang ginabulong sa Sara District Hospital.
Ginatudlo naman nga suspetsado si Rodan Demate nga kagawad sa Brgy. Dungon.
Base sa imbestigasyon ni Chief Insp. Abner Jordan, hepe sang Concepcion PNP, nagatunga-ay sang ila nahulik nga mga isda ang magtiyo sang nagluntad ang pagbaisay.
Gina-alegar nga ginpamangkot sang hinablos ang tiyo kon bala botohon man sia sini sa kontani eleksyon sa barangay pero wala makasabat ang tiyo rason nga naakig ang hinablos kag ginapasuni gintiro ang tiyo.
Matapos ang krimen, madasig nga nagpalagyo ang suspek padulong sa Negros Occidental sakay sa pumpboat.
Angut sini, nagapanawagan si Jordan sa suspek nga magsungka na kag atubangon ang nakomiter nga krimen./PB
[/av_textblock]
[/av_one_full]
