[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Tomboy ginhimuslan sang abyan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nagreklamo sa kapulisan ang 26-anyos nga tomboy nga ginhimuslan sia sang iya abyan nga lalaki sa isa ka barangay sa City Proper kahapon sang kaagahon.
Sa alegasyon ni alyas Inday, ginhagad sia sang suspek nga si alyas Toto, 30, nga magkadto sa balay sang kilala sini.
Bangod nga madugay naman sila nga abyanay, nag-upod si Inday pero sunu sa iya nga gulpi lang sia ginatayaan sang kutsilyo sang suspek kag ginhimuslan.
Sa alegasyon naman ni Toto nga ginhagad sia sang magulang sang tagreklamo nga magkadto sa balay sini bangod nga birthday sini.
Dugang pa niya nga nagpadulong man sia didto pero sang nahubog, naglisensya sia nga magpauli na pero sa iya kakibot gin-updan sia sang tagreklamo.
Pag-abot sa gina-istaran niya nga balay, gin-alegar sang suspek nga naghigda ang tagreklamo sa iya tupad kag naghakos rason nga ginhakos man niya tubtob nga natabo sila.
Nakibot na lang sia kon ngaa nagreklamo si Inday sa mga pulis nga ginhimuslan niya ini bangod nga gingusto man nila nga duha ang natabo.
Naghambal man ang suspek nga handa sia nga aregluhon ang natabo kag pakaslan ang tagreklamo kon gusto sini.
“Aregluhon ta na lang ni. Pasensya na lang ka. Kon maghambal ginikanan mo nga pakaslan ta ka, pakaslan ta ka,” hambal sang suspek sa interbyu sang mga katapo sang media.
Gin-aku man sini nga madugay na sia nga naluyag kay Inday bisan pa nga lalaki ini kon maghulag.
Sa subong, priso na ang suspek sa karsel sang Police Precinct 1 kag nagahulat sang desisyon sang tagreklamo./PB
[/av_textblock]
[/av_one_full]
