[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’TRAK NAGBUNGGO SA POSTE; SUV NAPILPILAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
[todaysdate]
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Halos wasak na ang dumptruck subongman ang napilpilan sini nga sport utility vehicle (SUV) makaligad nga nadulaan sang preno ang nauna kag nagbunggo sa poste sang koryente sa Barangay Ungka 2, Pavia, Iloilo pasado alas-tres sang hapon kahapon.
Naglawig man sang masobra isa ka oras ang pagpugok sang trapiko sa lugar bangod sang aksidente.
Sa inisyal nga imbestigasyon sang Pavia Municipal Police Station (MPS), wala nag-gana ang preno sang trak nga ginamaneho ni Abundio Pabuaya Jr., 49, kag residente sang Brgy. Ermita, Dumangas, Iloilo, gani wala nakontrol sang drayber ang trak kag nakabunggo ini sa poste sa crossing sang circumferential road.
Ang resulta, halos wasak gid ang ulo kag lawas sang trak kag nagkala-ula ang karga sini nga duta. Natumba man ang trak kag nagpilpil sa tupad sini nga nakaparada nga Honda CRV nga ginamaneho ni Paul Niño De Ramos, 37, sang Antipolo City. Mawerte lang nga nakagwa man dayon sa iya salakyan si De Ramos.
Bangod man sang aksidente, nakaagom sang kasamaran sa lawas ang 16-anyos nga pahinante sang trak nga gindala sa Western Visayas Medical Center.
Sa interbyu sang Panay Balita kay PO2 Jonlord Moleño, imbestigador sang Pavia MPS, halin sa Dumangas ang trak kag madul-ong sang feeding material sa Centroverde sang nagluntad ang aksidente.
“Bale ang trak halin sa Dumangas ma-deliver kontani sang feeding material sa Centroverde. Pag-abot ya da sa tulay nadulaan sia sang preno sunu sa drayber kag gin-try ya ginhulog sa shoulder sang karsada, i-sandig ya tani ang trak sa pader sang gina-obra nga building pero nagdire-diretso kay mabug-at ang iya karga. Lapit sa intersection ginbunggo ya sa poste pero natumba sa wala kag natup-an ya ang isa ka CRV nga nagapundo,” eksplikar pa ni Moleño.
Sa subong ang drayber sang trak nahunong na sa karsel sang Pavia MPS./PB
[/av_textblock]
[/av_one_full]
