[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Trak vs motor: 2 patay’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang duha sa tatlo ka mga sakay sang motorsiklo matapos nga ginsalakay sila sang trak sa national road sa Barangay Barosbos, Carles, Iloilo alas- 9:15 sang gab-i sang Huwebes.
Gindeklarar nga dead-on-arrival sa Jesus Colmenares District Hospital sa Balasan, Iloilo ang drayber nga si Diaryl Bagolcol y Dela Cruz, 34, residente sang Brgy. Suha, San Dionisio, Iloilo kag Marry George Casurao y Gonzales, 35, residente sang Brgy. Poblacion, Carles.
Samtang gindala naman sa ospital sa Syudad sang Roxas ang isa pa gid ka backrider nga si Felisa Basilan y Arroyo, 30, sang Brgy. Barosbos, Carles, nga nakaagom sang minor nga samad sa lawas.
Sa impormasyon nga nakuha sang Panay Balita sa Carles Municipal Police Station (MPS), ginamaenho ang Fuso elf truck canter rescue service ni Junrey Perez y Pama, 24, residente sang Brgy. San Isidro, Jaro nga isa ka Philippine Army Reserve sang 604th CDS 6, RCDG 1st Iloilo Ready Reserve Infantry Battalion.
Sadto nga tion, gina-usoy sang trak ang kurbadahon nga bahin sang national road sa Brgy. Barosbos kon sa diin halin ini sa Balasan, Iloilo kag mapadulong na kontani sa Carles sang nakabunggo sa Rusi nga motorsiklo nga wala sang plate number kag ginamaneho ni Bagolcol.
Bangod sang pagbunggo, naglapaw ang trak sa shoulder sang dalan rason nga nakaagom sang minor nga samad sa lawas ang karga sini nga mga soldado nga sanday CPL Alex Azuelo y Limciaco, 49, residente sang Brgy. Cabalic, Balasan, Iloilo; Private Rolando Velasquez Sr. y Melendez, 56, residente sang Brgy. Bulaqueña, Estancia, Iloilo; kag Bernardo Bandiez Alonzo, 42, sang Brgy. Cawayan, Carles, Iloilo, nga mga miembro man sang 604th CDS 1st Iloilo Ready Reserved Infantry Battalion.
Ginpangdala man ang tatlo sa Jesus Colmenares District Hospital para madapatan sang pagbulong.
Samtang ginasulat ini nga balita, yara na sa kustodiya sang Carles MPS si Perez matapos nga nagsungka./PB
[/av_textblock]
[/av_one_full]
