[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’VAN GINKARNAP SANG NPA?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
INSERT DATE HERE!
[/av_textblock]
[av_textblock size=” font_color=” color=”]
Syudad sang ILOILO – Narekober ang Toyota Hi-Ace Grandia nga ginkarnap sang tatlo ka nagpakilala nga mga miembro sang New People’s Army (NPA) sa Sitio So-oc, Brgy. Rizal, Oton, Iloilo alas-nueve sang aga kahapon.
Sunu kay Inspector Francis Albert Fortunado, hepe sang San Miguel Police Station (MPS), sandig sa alegasyon sang drayber sang van nga si Charles Pacaonces, 39, residente sang Brgy. Palje, San Enrique, Iloilo, nagtransaksyon sang Miyerkoles ang ginkilala kay Grace sa isa nga nakilala kay Danny kon pila ang bayad magpasugat sa Brgy. San Antonio, San Miguel alas-otso sang aga kahapon para magpadul-ong sa Kalibo, Aklan para magtambong sang family reunion.
Gin-refer man ni Danny si Grace kay Pacaonces nga nagabiyahe sang tourist van paagi sa paghatag sang cellphone number sang naulihi.
Sa bayad nga P9,000, naghisugot sanday Pacaonces kag Grace nga magsugat sang mga pasahero sa Brgy. San Antonio, San Miguel.
Sang didto na si Pacaonces, nagsakay ang tatlo ka mga lalaki nga nagpakuno-kuno nga amo ang ma-arkila sang salakyan.
Makaligad ang pila ka ginutlo, nakibot si Pacaonces nga ginmandoan sia sang tatlo nga indi magpalag kadungan sang pagposas sa iya mga kamot gamit ang cable wire kag pagtaya sa iya sang malip-ot nga pusil.
Ginmandoan man ang biktima nga magsaylo sa likod nga porsyon sang van pero nakakita sia sang tsansa nga makapalagyo kag makapangayo sang bulig sa mga otoridad.
Gintaban naman sang mga suspek ang van ni Pacaonces kag gindala padulong sa banwa sang Oton. Pero sa ginkasar nga hot-pursuit operation sang kapulisan, nakita ang van sa Sitio Sooc, Brgy. Rizal, Oton.
Ginapatihan nga indi saulado sang mga suspek ang Brgy. Rizal rason nga nagbalik sila pero sa kahangawa nga madakpan, gin-abandonar na lang nila ang van.
Gintuad man ni Pacaonses sa interbyu sang mga katapo sang media nga naglaum sia sang una nga lango-lango lang sang mga suspek ang pagmando nga indi sia magpalag para indi sia mapatay.
“Naghambal sia sa akon nga indi ka magpalag, indi ka magkwan, bul-on lang namon salakyan, indi ka maano. Saylo ka sa likod, indi ka mag-drive. Tan-aw ko gani ang pulis nga baye mo. Nagsimple lang ako kay basi mapatay ako. Abi ko joke, hambalan ko sila nga araw-araw pa kamo NPA gid. Pag-kwan ko kita ko armas nga gintaya sa akon,” panaysayon ni Pacaonces.
Nagapati man sia nga posible kahimbon ni Grace ang mga suspek.
Sa bahin ni Senior Supt. Harold Tuzon, director sang Iloilo Police Provincial Office, wala sia nagapati nga mga miembro sang NPA ang mga suspek.
Posible, sunu kay Tuzon, nga gingamit lang sang mga suspek ang pangalan nga NPA para makabatyag sang kahadlok si Pacaonces.
Samtang ginasulat ining, balita padayun pa ang pag-ayam sang kapulisan sa tatlo ka mga suspek./PB
[/av_textblock]
[/av_one_full]
