[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’‘Wala salakyan nga nagadala eksplosibo sa Rehiyon 6’’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Thursday, June 8, 2017
[/av_textblock]
[av_textblock size=” font_color=” color=”]
Syudad sang ILOILO – Negatibo ang nakalab-ot nga impormasyon sa Highway Patrol Group Region 6 nga may masulod nga salakyan nga nagadala sang eksplosibo sa rehiyon.
Sang Domingo sang hapon, nagkasar sang inspeksyon ang gintingob nga puersa sang Philippine Coast Guard, Philippine Navy, Philippine Army, Highway Patrol Group Region 6, kag Iloilo City Police Office sa puerto sa Fort San Pedro, City Proper para magbantay sa ginapasuni pag-abot sang ro-ro nga nagakarga sang salakyan nga may unod nga eksplosibo.
Sunu kay SPO2 Jun Batilo sang Highway Patrol Group sa interbyu sang Bombo Radyo Iloilo, nakabaton sang impormasyon ang ila intelligence unit nga may masulod nga salakyan halin sa Syudad sang Cagayan De Oro nga nagadala sang eksplosibo.
Sa masobra duha ka oras nga pagbantay sang mga otoridad, wala man sila sang na-monitor nga nasambit nga salakyan.
“We have received sang mga information regarding sa mga allegedly mga IED sa sulod sang salakyan. Well, in fact may action taken na kami da, continue na ang amon inspection and then pagbantay sa manog-abot naton nga barko especially from Mindano. Last Sunday nag-joint operation kami with Maritime, Coast Guard, Navy, and saka yung ICPO. Pag-inspect sa case kon tuod ni ang information nga na-gather namon. Halos tanan we have to inspect pero negative man ang result,” hambal ni Batilo.
Angut sini, nagpanugyan ang Highway Patrol Group sa publiko nga kon may nabal-an nga impormasyon angut sa mga eksplosibo, gilayon nga magdangop sa pinakamalapit nga istasyon sang pulis.
Una nga naglapta ang impormasyon sang nagpapanaog sang memorandum ang Maritime Group, Regional Maritime Unit 9 sadtong Hunyo 2 nga may pila ka mga salakyan nga nagakarga sang eksplosibo nga posible mag-gwa sa mga ro-ro terminal.
Pero ang Maritime Group sa Rehiyon 6 ang nagpanginwala nga nakabaton sila sang memorandum halin sa ila central office angut sa eksplosibo./PB
[/av_textblock]
[/av_one_full]
