[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’1 patay, 2 pilason sang gintiro sa Cauayan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Napatay ang isa ka lalaki samtang pilason ang iya manghod kag pakaisa sang gintiro sila sang tatlo ka mga suspek alas-otso sa gab-i sang Sabado sa Purok 2, Brgy. Abaca, Cauayan, Negros Occidental.
Sunu kay Chief Inspector Gary Alan Resuma, hepe sang Cauayan PNP, ang biktima nga si Eduardo Eduardo Jorolan Layan, Jr., 16, kag naga-istar sa amo man nga lugar, nakaagom sang pilas sa lawas.
Nakilala naman ang duha ka napilasan nga amo ang utod ni Eduardo nga si Renjay, 15, kag ila pakaisa nga si Rene Boy Layan Sabanal, 38, may asawa.
Ginkilala naman ni Resuma ang mga suspek nga sanday Wilfredo Visitacion Cardiente, 50 anyos, may asawa, kag ang iya duha man ka pakaisa nga mag-utod nga sanday Ruel Emperado Cardiente alyas “Tisoy” kag Ronel Emperado Cardiente alyas “Panoy.”
Sunu sa kapulisan, base sa pahayag ni Rene Boy, nga nagahigda na sila sa sulod sang iya balay agud magtulog sang nag-abot ang mga suspek kag gilayon sila nga ginpangtiro.
Patay on-the-spot si Eduardo samtang gindali-dali naman dala sanday Rene Boy kay Renjay sa Lorenzo Zayco Memorial District Hospital apang sang ulihi ginliton sa Corazon Locsin Montelibano Memorial Regional Hospital sa Syudad sang Bacolod.
Samtang ginasulat ini nga balita, padayun pa ang pag-ayam sang mga pulis sa mga suspek./PB
[/av_textblock]
[/av_one_full]
