[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Salakyan gin-ambush, ex-pulis ginpatay’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
Syudad sang BACOLOD – Patay ang anay pulis matapos nga gin-ambush ang ila ginasakyan nga Mitsubishi Adventure sang armado nga mga suspek sa Barangay 16 diri alas-9:30 sang Sabado sang gab-i.
Ginbawian sang kabuhi samtang ginabulong sa Corazon Locsin Montelibano Memorial Regional si Federico Nicolas, anay miembro sang Bacolod City Police Office (BCPO) nga nag-AWOL (absent without leave) rason nga ginsipa sa puesto sadtong 2015.
Pilason man ang upod ni Nicolas nga sa salakyan nga si Police Officer 1 Wilmer Bansag nga katapo sang Negros Occidental Police Provincial Office kag ang 17-anyos nga bata ni Bansag nga lalaki nga gindala man sa ospital.
Sandig sa imbestigasyon ni Senior Superintendent Jack Wanky, director sang BCPO, sakay ang tatlo sa Mitsubishi Adventure kag mapadulong na kontani sa direksyon sang south sang ginpaarakan sila tiro sang mga suspek nga sakay sa duag puti nga Toyota Vios.
Sandig sa imbestigasyon sang mga pulis, si Nicolas ang target sang mga suspek nga ginapasuni miembro sang drug group matapos nga wala ini naka-remit sa grupo. Nahibaluan pa nga si Nicolas ginakabig nga high-value target sa Syudad sang Bacolod.
Sunu dugang sa kapulisan nga duha ka dalagku nga pinutos sa plastik nga ginapasuni shabu ang nakuha sa bulsa ni Nicolas. Samtang kapin sa 30 ka basiyo sang lain-lain nga kalibre sang pusil katulad sang 5.56, kalibre .45 kag .9mm ang nakuha sang mga pulis sa eksena sang insidente.
Angut diri, ginpasalig ni Wanky ang pamilya sang anay pulis nga mahimu sila sang maid-id nga imbestigasyon angut sa natabo. (Balita halin sa Panay News)/PB
[/av_textblock]
[/av_one_full]
