[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ 2 Criminology students nabaklan shabu ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Napurnada pa ang pag-eskwela sang duha ka Criminology students kag nagtupa sila sa prisohan matapos nabaklan sang ginapasuni shabu sa Dalan Luna, La Paz alas-2:30 sang Miyerkoles sang hapon.
Nakilala ang mga suspek kanday Edu Pace Matulac, 19, sang Brgy. Lo-ong, Concepcion, kag Jenny Jano, 27, sang Brgy. East Baluarte, Molo. Pareho sila nga nagakuha kurso nga Criminolody sa magkatuhay nga bulothoan sa syudad.
Sa rekord sang La Paz PNP, nabaklan sang Regional Drug Enforcement Unit 6 ang duha sang isa ka plastic sachet sang gina-alegar shabu balor P1,200.
Sang nagpakilala ang poseur buyer nga pulis, nagbatu pa si Matulac paagi sa pagsumbag sa pulis kag nalagyo pakadto sa St. Clements Church tubtob nga na-korner kag nadakpan.
Narekober sa paghinakop ni Matulac ang cellphone samtang kay Jano naman nakuha ang 13 ka mga plastic sachets sang ginapasuni shabu.
Angut sini, nadakpan man sang Jaro PNP ang gina-alegar supplier sang duha ka mga estudyante sa ginkasar man nga buy-bust operation sa Brgy. Balabago kahapon.
Ginkilala kay Franz Jimaga, 22, nabaklan ini sang Jaro PNP sang isa ka plastic sachet sang ginapasuni shabu balor P500 kag nakuhaan pa sang anum ka mga plastic sachets sang ginapasuni shabu.
Sandig sa report sang Jaro PNP, nabasahan pa nila sa cellphone sang suspek ang pila ka mga mensahe sang duha ka estudyante angut sa ila pagbakal sang shabu.
Sa karon ang tatlo priso na kag natalana kasohan sang paglapas sa Comprehensive Dangerous Drugs Act of 2002./PB
[/av_textblock]
[/av_one_full]