[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’11 ka mga balay nasunog’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Saturday, May 20, 2017
[/av_textblock]
[av_textblock size=” font_color=” color=”]
Syudad sang ILOILO – Naubos lamon sang kalayo ang walo ka mga balay samtang parsyal naman nga nahalitan ang tatlo ka iban pa sa nagluntad nga sunog sa Barangay Concepcion, City Proper alas-8:25 sang gab-i sang Huwebes.
Lakip sa totally damaged nga mga balay amo ang kanday:
* Juliana Diel,
* Josefina Gabito,
* Keneth Diel,
* Nenita Balajadia,
* Rudy David,
* Leah Clarence,
* Dhalia Daylisan, kag
* William Tullo.
Parsyal naman nga nahalitan ang mga balay nanday Wilfredo Gacita, Francis Tullo kag Nancy Sobremesana.
Sa interbyu sang mga katapo sang media kay Fire Officer 2 Denmark Macoco, imbestigador sang Bureau of Fire Protection (BFP) – Iloilo City, nagsugod ang kalayo sa ikaduha nga panalgan sang balay ni J. Diel bangod sa short circuit.
Bangod man nga human sa light materials ang balay, madasig nga naglapta ang kalayo sa mga kaiping sini nga kabalayan kag na-deklarar lamang nga fire-out alas-10:44 na sang gab-i.
“Subong ang aton totally is walo ka bilog kag ang aton partially tatlo. Ang aton point of origin or ang balay kon sa diin naghalin ang sunog didto sa balay ni Juliana Diel. Bale sa second floor sang balay, sa hidden portion. Ang balay ni Juliana made of mixed materials wherein sa babaw is very light kag ang dalom concrete,” eksplikar ni Macoco.
Ginabanta man sang BFP nga indi magnubo sa P1 milyon ang balor sang halit nga ginbilin sang sunog.
“Ang aton cause of damaged is one million more or less. Ang time of alarmed is 8:12 then na-control ini mga 8:40 kag na-declare nga fire-out 10:44,” dugang ni Macoco.
Luwas sini, may duha man ka persona nga apektado sang sunog. Isa na diri amo si City Fire Marshal Jerry Candido nga na-suffocate sang aso rason nga nadulaan sang animo. Pero makaligad ang isa ka oras nga nadapatan sang pagbulong, na-umpawan man ini kaupod ang isa pa ka bombero nga nasamaran sa kamot.
Matapos ang sunog, temporaryo nga nag-istar sa simbahan kag barangay hall sang Brgy. Concepcion ang mga nabiktima sang sunog./PB
[/av_textblock]
[/av_one_full]
