[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ DepEd-6, OK sa random drug testing sa mga estudyante ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Saturday, May 20, 2017
[/av_textblock]
[av_textblock size=” font_color=” color=”]
Syudad sang ILOILO – Bukas kag wala sang nakit-an nga problema ang Department of Education (DepEd) 6 sa ipatuman nga random drug testing sa mga estudyante kag mga manunudlo.
Sunu kay DepEd-6 Assistant regional director Victor De Gracia, ginahulat na lang nila subong ang pagsulondan kag eskedyul kon san-o ipatuman sang ila central office ang drug testing sa mga rehiyon.
Magatukod man ang DepEd-6 sang team nga mabulig sa pagpatigayon sang drug test kag ipatuman ini sa koordinasyon sang Department of Health.
Dugang pa ni De Gracia nga nakahibalo na ang mga manunudlo sa himuon nga random drug testing bangod nga ang kampanya kontra sa ilegal nga droga ang prayoridad nga programa sang administrasyon ni Presidente Rodrigo Duterte.
Ang nasambit nga drug test mandatory testing sa tanan nga mga manunudlo sa elementarya kag sekondarya lakip na sa iban pa nga mga tinawo sang DepEd.
Pero sa bahin sang mga estudyante sa sekondarya, ang central office sang DepEd amo ang mapili sang eskwelahan nga patigayonan sang random drug testing.
Nagapati man si De Garcia nga makahatag sang benepisyo sa DepEd ining tikang sang ila central office. Paagi sa random drug testing, matadlong na ang ekspekulasyon sa mga manunudlo nga na-angut sa ilegal nga droga. Sa bahin naman sang mga estudyante, ang random drug testing makabulig sa pagkilala kon sin-o ang nagagamit sang ginadumilian nga droga kag gilayon nga mabuligan.
Sandig sa datus sang DepEd-6, masobra 480,000 ka mga estudyante sa sekondarya halin sa pribado kag pangpubliko nga mga eskwleahan ang ginalauman nga magapa-enroll para subong nga school year./PB
[/av_textblock]
[/av_one_full]
