[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 patay, 3 pilason sa aksidente sa Syudad sang Cadiz ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Thursday, February 23, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Patay ang duha ka tawo samtang tatlo naman ang pilason sang ma-aksidente sila sa taytay sang Sitio Omapog sa Barangay Luna, Syudad sang Cadiz, Negros Occidental mga alas-otso y medya sang Martes sang gab-i.
Ginkilala ni Supt. Edel Jose Manzano, hepe sang Cadiz City PNP, ang mga napatay nga sanday Celso Vito, 41, kag drayber sang traysikol, kag iya pakaisa nga si Alejandro “Ally” Vito, 50, lunsay taga-Purok Masinadyahon, Brgy. Cadiz Viejo, Syudad sang Cadiz. Patay sila on-the-spot bangod sa patal nga pilas sa ila ulo kag lawas.
Ang nagkalapilasan naman amo ang duha ka anak ni Alejandro nga sanday Lyndon, 15, kag Joan Vito, 28 kag ang iya live-in partner nga si Dennis Templado, 29.
Sunu kay Manzano, sakay ang lima sa traysikol kag ihingagaw kontani si Alejandro sa Cadiz District Hospital nga malapit na lang sa ginluntaran sang aksidente bangod ginahapo.
Apang nag-agaway sila sang lugar sang traktora nga ginamaneho ni Florencio Tesing, 69, sang Hacienda Balandra, Brgy. Daga, Syudad sang Cadiz.
Sunu kay Tesing, wala niya nakita ang traysikol kag nakibot na lang sia nga may naglagpok.
Siling naman sang traffic investigator, makitid ang taytay kag gina-obra pa ini kag wala man sang suga sa lugar, rason nga indi makita ang signboard para abiso ukon pa-andam sa mga naga-agi./PB
[/av_textblock]
[/av_one_full]
